Vadodara News: વડોદરાના અભોર ગામની શાળામાં વિદ્યાર્થિનીઓને બિભત્સ વીડિયો બતાવવાના કેસમાં શાળાના આચાર્ય મહેન્દ્ર જાદવને સસ્પેન્ડ કરવામાં આવ્યો છે. સાથે જ આચાર્ય સામે પોસ્કોની કલમ લગાવીને ગુનો દાખલ કરાયો છે. જિલ્લા પંચાયત શિક્ષણ વિભાગના અધિકારીઓએ સોંપેલા રિપોર્ટના આધારે કાર્યવાહી કરવામાં આવી છે.
શું છે સમગ્ર મામલો?
વડોદરાના અભોર ગામની શાળામાં શિક્ષણ જગતને શર્મસાર કરતો કિસ્સો પ્રકાશમાં આવ્યો હતો. શાળાના આચાર્ય મહેન્દ્ર જાદવ પર વિદ્યાર્થિનીઓને બિભત્સ વીડિયો બતાવ્યાનો આરોપ લગાવવામાં આવ્યો હતો. ઘટનાની જાણ થતા ગ્રામજનોએ આચાર્ય મહેન્દ્ર જાદવને મારમારી પોલીસને સોંપ્યો હતો. બાદમાં વાલીઓએ આચાર્ય વિરુદ્ધ ફરિયાદ નોંધાવી હતી.
વાલીઓએ લંપટ આચાર્યને માર્યો મારમારી
વિદ્યાર્થિનીઓએ જણાવ્યું હતું કે, અમે અહીં ઉભેલી હતી તે સમય સાહેબ અહીં આવ્યા હતા અને અમને બિભત્સ ફોટા બતાવ્યો હતો. જોકે, આ સમગ્ર મામલે વાલીઓએ સ્કૂલમાં હલ્લા બોલ કરી લંપટ આચાર્યને મારમારી પોલીસના હવાલે કર્યો હતો.
વાલીઓએ આચાર્ય વિરુદ્ધ કડક કાર્યવાહીની કરી માંગ
જે ઘટના બાદ સ્થાનિકોએ શાળાની તપાસ કરતા સ્કૂલ કમ્પસમાંથી દેશી દારૂની પોલિથીન મળી આવી હોવાનો પણ વીડિયો વાયરલ કર્યો હતો. આ ઘટના બાદ વિદ્યાર્થીઓ સહિત વાલીઓએ આચાર્ય વિરુદ્ધ કડક કાર્યવાહી કરવાની માંગ કરી હતી..
MLA ચૈતન્યસિંહ ઝાલા
'આચાર્યએ કર્યું શરમજનક કૃત્ય'
તો પાદરા ધારાસભ્ય ચૈતન્યસિંહ ઝાલા પણ અભોર ગામ ખાતે દોડી આવ્યા હતા. તેઓએ જણાવ્યું હતું કે, આ વિકૃત માનસિકતા ધરાવતા આચાર્યએ શરમજનક કૃત્ય કર્યું છે, આ વ્યક્તિઓને કડકમાં કડક સજા થાય તે બાબતે પીએસઆઈને પણ રજૂઆત કરવામાં આવેલી છે.
.JPG)
