- 10 નવેમ્બરને શુક્રવારના રોજ ધનતેરસનું પર્વ મનાવવામાં આવશે
- ગ્રહ નક્ષત્રોની ચાલ 5 રાશિના લોકોને ધનથી ભરપૂર કરી દેશે
હિન્દુ ધર્મમાં જેનું સૌથી વધુ મહત્વ છે તે દિવાળીના તહેવારે હવે આંગણે ટકોરો મારી રહ્યા છે ત્યારે ધનતેરસને ગણતરીના દિવસો બાકી રહ્યા છે. 10 નવેમ્બરને શુક્રવારના રોજ ધનતેરસનું પર્વ મનાવવામાં આવશે. ત્યારે આ ધનતેરસના દિવસે માં લક્ષ્મી, ભગવાન કુબેર અને ધનવંતરીની પૂજા કરવામાં આવતી હોય છે. તેમની પૂજાથી ધન ધાન્યમાં વૃદ્ધિ થાય તેવું હિંદુ ધર્મની માન્યતા છે અને રોગોમાંથી મુક્તિ પણ મળતી હોય છે. ત્યારે જ્યોતિષશાસ્ત્રના કહેવા અનુસાર ધનતેરસના દિવસે ગ્રહ નક્ષત્રોની ચાલ 5 રાશિના લોકોને ધનથી ભરપૂર કરી દેશે.
વૃષક :
જ્યોતિષશાસ્ત્રમાં જણાવાયા અનુસાર વૃષક રાશિના જાતકોની નાણાકીય સ્થિતિમાં સુધારો થઈ શકે છે. સંપત્તિમાં વધારા સાથે કોઈ સારા સમાચાર મળે તેવા સંજોગો પણ વર્તાઈ રહ્યા છે.
મિથુન રાશિ
વધુમાં મિથુન રાશિના લોકો માટે પણ ધનતેરસ અગાઉ ઉજળા સંજોગો લઈને આવશે. મિથુન રાશિના લોકોને ધન પ્રાપ્ત થઈ શકે છે અને લાંબા સમય સુધી રોકાયેલા મહત્વના કાર્યો પણ ફરીથી શરૂ થઈ શકે છે. કરિયરમાં નવા અવસરો મળશે.
તુલા
તુલા રાશિમાં પણ ધન લાભ જોવા મળશે અને આવકમાં વધારો થઈ શકે છે.ઉપરાંત ઓફિસમાં બોનસ તથા ઇન્ક્રીમેન્ટમાં પણ વધારો થઈ શકે છે. આમ સરવાળે ધનતેરસ તમારા માટે ધન યોગ લઈને આવી શકે છે.
મકર
તહેવારોની આ સિઝનમાં મકર રાશિના વેપારી વર્ગના લોકોને બે ગણો લાભ મળી શકે છે. નોકરીયાત વર્ગની આવકમાં પણ વધારો થઈ શકે છે. આમ ધનતેરસ અગાઉ ધનવૃદ્ધિ મકર રાશિના લોકોના રાશિમાં વર્તાઈ રહી છે.
કુંભ રાશિ
કુંભ રાશિના જાતકો માટે પણ કરિયરમાં લાભ યોગ જોવા મળી રહ્યો છે. ધનની સમસ્યા હલ થઈ શકે છે. તો લાંબા સમય સુધી ચાલતી માનસિક ઉપાધિનો પણ અંત આવી શકે છે.
