તમારા કામનું / આધાર કાર્ડને કરવું છે ઓનલાઇન-ઓફલાઇન અપડેટ? તો ફોલો કરો આ ટિપ્સ

• ભારતમાં આધાર કાર્ડ જરૂરી ડોક્યુમેન્ટ
• આધાર કાર્ડમાં ઈન્ફોર્મેશન અપડેટ કરવી જરૂરી છે
• આધાર કાર્ડ ઓનલાઈન અને ઓફલાઈન અપડેટ કરી શકો છો

ભારતમાં આધાર કાર્ડ જરૂરી ડોક્યુમેન્ટ છે. હાલના સમયમાં લોકોનો મોબાઈલ નંબર અને સરનામનું બદલાતું રહે છે. આ કારણોસર આધાર કાર્ડમાં મોબાઈલ નંબર અને એડ્રેસ અપડેટ કરવું ખૂબ જ જરૂરી છે. આધાર કાર્ડમાં ઈન્ફોર્મેશન અપડેટ કરવામાં ના આવે તો અનેક જરૂરી કામોમાં મુશ્કેલી થઈ શકે છે. તમે આધાર કાર્ડ ઈન્ફોર્મેશન ઓનલાઈન અને ઓફલાઈન અપડેટ કરી શકો છો. 

આધાર કાર્ડમાં ઈન્ફોર્મેશન અપડેટ ના થાય તો છેતરપિંડી થવાની સંભાવના રહે છે. જેથી સરકારે આધાર કાર્ડ અપડેટ કરવા માટે જણાવ્યું છે. UIDAIએ જણાવ્યું છે કે, 14 માર્ચ 2024 સુધી આધાર કાર્ડ ફ્રીમાં અપડેટ કરાવી શકાય છે. આધાર કાર્ડ અપડેટ કરવા માટે આઈડી પ્રૂફ, એડ્રેસ પ્રૂફની જરૂર રહેશે. 

ઓનલાઈન આધાર કાર્ડ અપડેટ

• સૌથી પહેલા UIDAIની ઓફિશિયલ વેબસાઈટની મુલાકાત લેવી.
• આધાર અપડેટના ઓપ્શન પર ક્લિક કરો.
• એડ્રેસ અપડેટ કરવા માટે અપડેટ એડ્રેસ ઓપ્શન પર ક્લિક કરો.
• રજિસ્ટર્ડ મોબાઈલ નંબર અને OTP એન્ટર કરો.
• Documents Updateનો ઓપ્શન પર ક્લિક કરો.
• આધાર સંબંધિત ઈન્ફોર્મેશન જોવા મળશે.
• ડિટેઈલ ચકાસીને એડ્રેસ અપડેટ કરવા માટે જરૂરી ડોક્યુમેન્ટ અપલોડ કરો.
• આધાર અપડેટ પ્રોસેસ એક્સેપ્ટ કરો.
• હવે અપડેટ રિક્વેસ્ટ નંબર (URN) હશે, જે તમે ટ્રેક કરી શકો છો.

ઓફલાઈન આધાર કાર્ડ અપડેટ

• આધાર કાર્ડ ઓફલાઈન અપડેટ કરી શકો છો.
• હવે CSC તથા આધાર સેન્ટર પર જવું પડશે.
• 14 માર્ચ 2024 પછી આધાર અપડેટ કરવા માટે ચાર્જ ચૂકવવો પડી શકે છે.