- જન્મ અને મૃત્યુનું રજીસ્ટ્રેશન હવે સરળ
- કેન્દ્ર સરકારે આધાર ઓથેન્ટિકેશનને આપી મંજૂરી
- સ્વૈચ્છિક રીતે આ સુવિધાનો લાભ ઉઠાવી શકાશે
કેન્દ્ર સરકારે જન્મ અને મૃત્યુનાં રજીસ્ટ્રેશન માટે હાલમાં આધાર ઓથેન્ટિકેશનને મંજૂરી આપી દીધી છે અને લોકો માટે આ સુવિધા સ્વૈચ્છિક કરી છે. જો કે જન્મ અને મૃત્યુનાં રજીસ્ટ્રેશન માટે આધાર ફરજિયાત નથી. ટૂંકમાં સરકારે જનરલ ઑફ ઈન્ડિયાની ઑફિસને જન્મ અને મૃત્યુનાં રજીસ્ટ્રેશન માટે આધારનાં વોલેન્ટરી ઉપયોગ કરવાની પરવાનગી આપી છે.
નોટિફિકેશન જારી
ગૃહમંત્રાલયે એક નોટિફિકેશન જારી કરી છે જેમાં કહ્યું છે કે રજીસ્ટ્રેશન જનરલનાં કાર્યાલયની સાથે-સાથે જનગણના કમિશ્નર પણ આ પ્રકારનાં રજીસ્ટ્રેશન માટે આધાર ઓથેન્ટિકેશનને માન્ય ગણી શકે છે અને આ પણ સ્વૈચ્છિક જ રહેશે. જન્મ અને મૃત્યુ રજીસ્ટ્રેશન અધિનિયમ 1969 અંતર્ગત કહેવામાં આવ્યું છે કે નિયુક્ત રજિસ્ટ્રારને રિપોર્ટિંગ ફોર્મ જન્મ કે મૃત્યુમાં માંગવામાં આવેલ માહિતી અને આધાર નંબરનાં ઓથેન્ટિકેશન દરમિયાન સ્વૈચ્છિક આધારની પ્રક્રિયા પર 'હા કે ના' નો વિકલ્પ પસંદ કરવાની પરવાનગી આપવામાં આવશે.
આ મંજૂરી પાછળ સરકારનો ઉદેશ્ય
સરકારે જનતાનાં જીવનને સરળ બનાવવાનાં ઉદેશ્યથી આ પ્રકારનો નિર્ણય લીધો છે. આ વચ્ચે આધાર બનાવતી સંસ્થા UIDAI લોકોને પ્રોત્સાહિત કરી રહી છે કે તેઓ પોતાનો મોબાઈલ નંબર આધાર સાથે લિંક કરે જેથી વધુ સારી રીતે જનતા સામાજિક કલ્યાણ સેવાઓનો લાભ ઊઠાવી શકે.
IT મંત્રાલયે પણ કરી જાહેરાત
સરકારનાં ગુડ ગર્વનેંસ રુલ્સનાં ડ્રાફ્ટમાં રિસર્ચની મદદથી IT મંત્રાલયે જણાવ્યું કે સરકારી મંત્રાલય કે વિભાગો સિવાય કોઈપણ સંસ્થા જે લોકોનાં જીવનને સરળ બનાવવા અને સેવાઓનો લાભ વધુ સક્ષમ રીતે પહોંચાડવાનો ઉદેશ્ય ધરાવે છે તેઓ આધાર ઓથેન્ટિકેશનનનો ઉપયોગ કરી શકે છે.
