એક્શન / અમદાવાદમાં બાઇક પર ઉભા થઈને યુવકે સ્ટંટ કર્યો, મણિનગર પોલીસે સરભરા કરતાં અક્કલ ઠેકાણે આવી, જુઓ વીડિયો

• અમદાવાદ પોલીસે મણિનગરમાં સ્ટંટ કરનાર યુવકની ધરપકડ
• સોશિયલ મીડિયામાં સ્ટંટ કરતો વાયરલ વીડિયો મામલે
• મણિનગર રેલવે ચાર રસ્તા નજીકનો વીડિયો વાઈરલ થયો હતો

 અમદાવાદ પોલીસે મણિનગરમાં સ્ટંટ કરનાર યુવકની ધરપકડ કરી છે. ત્યારે સોશિયલ મીડિયામાં સ્ટંટ કરતો વાયરલ વીડિયો મામલે પોલીસે કાયદેસરની કાર્યવાહિ હાથ ધરી છે. મણિનગર રેલ્વે સ્ટેશન ચાર રસ્તા નજીકનો વીડિયો વાયરલ થયો હતો. જેમાં બાઈક ચાલક ઉભો થઈને બાઈક ચલાવતો વીડિયો વાયરલ થયો હતો. ત્યારે પોલીસે વિપુલ રાણા નામનાં બાઈક ચાલકનુ ટ્રાફિક પોલીસે ધરપકડ કરી છે. 

શહેરમાં સ્ટંટ કરવાની ઘટનાઓ સામાન્ય બની
અમદાવાદ શહેરમાં હવે વાહનો પર સ્ટંટ કરવાની ઘટનાઓમાં વધારો થઈ રહ્યો છે. ત્યારે આવા વાહન ચાલકો દ્વારા રાહદારીઓ તેમજ વાહન ચાલકોનો જીવ જોખમમાં મુકતા હોય છે. ત્યારે સોશિયલ મીડિયા પર આવા વાહન ચાલકોનો વીડિયો વાયરલ થતા પોલીસ દ્વારા આવા વાહન ચાલકોને ઝડપી પાડી કાયદેસરની કાર્યવાહિ હાથ ધરવામાં આવે છે.