માતા-પિતા સાવધાન / સુરત ટ્રાફિક પોલીસે નિયમભંગના 15 હજારથી વધુ કેસ કર્યા છતાં નથી સુધરી રહ્યા લોકો, ટ્રીપલ સવારીમાં સ્ટંટ કરતાં સગીરોનો વીડિયો વાયરલ

ટાબરિયાઓની જોખમી બાઈક સવારી...!

સુરતમાં ત્રણ ટાબરિયાની જોખમી બાઈક સવારીનો વિડીયો વાઈરલ, સગીરનો પૂરઝડપે બાઈક ચલાવતો વિડીયો સોશિયલ મિડીયામાં વાઈરલ થયો #Gujarat #Surat #SuratPolice@CP_SuratCity pic.twitter.com/laFxE0SrNo

— Jay Acharya ( VTV NEWS ) (@AcharyaJay22_17) August 5, 2023

• સુરતમાંથી વાલીઓ માટે ચેતવણીરૂપ કિસ્સો સામે આવ્યો
• સગીર પૂરઝડપે બાઈક ચલાવતો નજરે પડ્યો
• સુરત શહેરમાં ઓવર સ્પીડમાં વાહન ચલાવનાર સામે પોલીસની કાર્યવાહી

અમદાવાદના ઇસ્કોન બ્રિજ પર સર્જાયેલ અકસ્માત બાદ રાજ્યમાં પોલીસ તંત્ર હરકતમાં આવ્યું છે અને જુદા જુદા શહેરોમાં ટ્રાંફિક દ્વારા શરૂ કરાઈ છે. આવી સ્થિતિ વચ્ચે પોલીસે ટૂંકાગાળામાં નિયમભંગ બદલ 15 હજારથી વધુ કેસ પણ કર્યા છે. છતાં પણ અમુક વાલીઓ સુધરવાનું નામ લેતા નથી. સગીરોને આડેધડ વાહન ચલાવવા આપી દેતા હોય છે. ત્યારે સુરતમાંથી વાલીઓ માટે ચેતવણીરૂપ કિસ્સો સામે આવ્યો છે. જેમાં બાઈક પર 3 સગીર જોખમી રિતે સવારી કરી રહ્યા છે. જે વીડિયો હાલ સોશિયલ મીડિયામાં વાયરલ થઈ રહ્યો છે.

ત્રણ સગીરનો વીડિયો સામે આવ્યો

રાજ્યમાં અકસ્માતની વણઝાર વચ્ચે સુરતમાં એક બાઈક પર ત્રણ સગીરનો વીડિયો સામે આવ્યો છે. વાયરલ વીડિયોમાં સગીર પૂરઝડપે બાઈક હંકારતો જોવા મળી રહ્યો છે અને બાઈક પર અન્ય 2 પણ સગીર વયના જ સવાર હોવાનું દ્રશ્યમાન થઈ રહ્યું છે. જેને લઈને જોખમી સવારી દરમિયાન કોઈ મોટી દુર્ઘટના થાય તો જવાબદાર કોણ તેવા લોકોમાં સવાલ ઉભા થયા છે. આ બાબતે વાલીઓ જાગૃત બને તેવી લોકોમાં માંગ ઉઠી રહી છે.

14 દિવસમાં 15 હજારથી વધુ કેસ
અમદાવાદ ઇસ્કોન બ્રિજ અકસ્માત ઘટના બાદ સુરત શહેર ટ્રાફિક પોલીસ એક્શનમાં આવી છે. સુરતમાં ઓવરસ્પીડમાં વાહન ચલાવતા લોકો સામે કાર્યવાહી કરતા છેલ્લા 14 દિવસમાં 13 હજારથી વધુ કેસ કર્યા છે. જેમાં ડ્રિંક એન્ડ ડ્રાઇવના 327 કેસ કરીને 191 વાહનો જપ્ત કરવામાં આવ્યા છે. તો બીજી તરફ ભયજનક રીતે વાહન ચલાવવા મામલે 3 હજાર 389 કેસ કર્યા છે. આમ સુરતમાં હવે નશો કરીને બેફામ ડ્રાઇવિંગ કરનારા સામે પોલીસે તવાઇ બોલાવી છે.