નવસારી ઓનર કિંલિંગ આશંકામાં આજે યુવતીના મૃતદેહનું સુરતની ફોરેન્સિક પેનલ પોસ્ટમોર્ટમ કરશે. યુવતીના મૃત્યુ મામલે જલાલપોર પોલીસ મથકમાં જાણવા જોગ ફરિયાદ નોંધાવવામાં આવી હતી. યુવતીના પરિવારે દીકરીના મોતને છુપાવતા શંકાના ઘેરામાં આવ્યા છે જો કે, રિપોર્ટ આવ્યા બાદ નવસારી પોલીસ ગુનો નોંધી શકે છે.
પ્રેમીએ સુરત રેન્જ IGને અરજી કરી
વાત એમ છે કે, બ્રીજેશ પટેલ નામના યુવકને એક યુવતી સાથે પ્રેમ થયો હતો. અને આ યુવતી પ્રેમ સંબંધમાં બ્રીજેશને મળવા આવી હતી. જો કે, બંન્ને વલસાડ મળ્યા પછી યુવતી ઘરે ગઈ ત્યારે એવા સમાચાર આવ્યા કે, બ્રીજેશ જે યુવતીને પ્રેમ કરતો હતો તેણે આપઘાત કરી લીધો છે. જે સમગ્ર ઘટનામાં પ્રેમી બ્રીજેશ પટેલને એવી શંકા છે કે, મારી પ્રેમિકાની હત્યા કરી નાંખી અને તેની લાશને દફનાવી દીધી છે તેવું બ્રીજેશ જણાવી રહ્યો છે. પ્રેમિકા માટે પ્રેમીની સુરત રેન્જ IGને અરજી પણ કરી અને પ્રેમીકાની હત્યા થઈ લાશ દફનાવી નાંખવાનો આક્ષેપ કર્યો છે તેમજ પ્રેમીએ પોલીસને કબ્રસ્તાન પણ બતાવ્યું હતું અને તેવું કહેવું છે કે, તેની પ્રેમિકાની હત્યા કરી લાશને રાતો રાત દફનાવી દેવામાં આવી છે હત્યાને અંજામ આપ્યા બાદ તેનો પરિવાર આપઘાતનું નાટક કરે છે.
બ્રીજેશ પટેલ
યુવતીની હત્યા કે આત્મહત્યા મામલે પોલીસનું નિવેદન
નવસારીની યુવતીની હત્યા કે આત્મહત્યા મામલે જલાલપોર પીઆઈનું નિવેદન સામે આવ્યું છે. તેમણે કહ્યું કે, યુવતીના શંકાસ્પદ મોત બાદ તેને દફનાવી હતી અને સુસાઈડ નોટ મુજબ આત્મહત્યા હોવાની વિગતો સામે આવી છે તેમજ પ્રેમી દ્વારા આક્ષેપ કરવામાં આવ્યો છે ત્યારે તેની તપાસ શરૂ કરી છે. તેમણે ઉમેર્યું કે, યુવતીનું હાલ ફોરેન્સિક પીએમ ચાલી રહ્યું છે અને યુવતીના મામા કલથાણ કબ્રસ્તાનના વહીવટકર્તા હોવાથી ત્યાં દફન કરી હતી તેમજ લાશ પાંચ દિવસની હોય લાશ પરથી ચામડી નીકળી ગઈ છે તેથી લાશની પ્રારંભિક તપાસ કરવી મુશ્કેલ હતી
મૃતદેહનું સુરતની ફોરેન્સિક પેનલ પોસ્ટમોર્ટમ કરશે
અબ્રામા ખાતે કબ્રસ્તાનમાં નવસારીના પ્રાંત અધિકારી પણ પહોંચ્યા હતા તેમજ યુવતીને મારીને દફન કરી દેવાની આશંકાના પગલે તપાસ આદરી હતી, પોલીસે અને વહીવટી તંત્ર તપાસનો ધમધમાટ શરૂ કર્યો છે. અત્રે તમને જણાવી દઈએ કે, યુવતીના ઘરેથી સ્યુસાઈડ નોટ મળી છે. બ્રીજેશ પટેલ એવું કહે છે કે, સ્થાનિક લોકોએ મને જણાવ્યું હતું કે, યુવતીએ આપઘાત કર્યો નથી. તેની હત્યા કરી દેવામા આવી છે. બ્રીજેશની માગ છે કે, જો પોલીસ પુરા મામલે તપાસ કરે તો સત્ય સામે આવી શકે છે. હાલ પોલીસ તપાસ આદરી છે અને તેનો મૃતદેહ કબરમાંથી બહાર નીકાળી પીએમ અર્થે ખસેડ્યો છે. યુવતીના મૃતદેહનું સુરતની ફોરેન્સિક પેનલ પોસ્ટમોર્ટમ કરશે
પ્રેમી બ્રીજેશને પુરી શંકા છે કે, તેની પ્રેમિકાની હત્યા કરી દીધી છે. બંન્નેનો ધર્મ અલગ હોવાથી પરિવાર વાળાએ હત્યાને અંજામ આપી દીધો છે. જો પોલીસ ખરા દીલથી તપાસ કરે તો સત્ય સામે આવી શકે છે.
.JPG)
