બનાસકાંઠા જિલ્લામાં વરસાદી માહોલ જામ્યો છે. ત્યારે અમીરગઢના આવલ ગામમાં કમોસમી વરસાદે ભોજનની મજા બગાડી હતી.
Share
બનાસકાંઠા જિલ્લામાં વરસાદી માહોલ જામ્યો
હવામાન વિભાગની આગાહીના પગલે બનાસકાંઠા જિલ્લામાં વરસાદ શરૂ
અમીરગઢના આવલ ગામમાં કમોસમી વરસાદે ભોજનની મજા બગાડી
હવામાન વિભાગ દ્વારા રાજ્યમાં હવામાન વિભાગ દ્વારા તા. 4 મે સુધી કમોસમી વરસાદની આગાહી કરી છે. ઉત્તર ગુજરાતનાં પાટણ, બનાસકાંઠા તેમજ મહેસાણામાં પણ છેલ્લા બે દિવસથી વરસાદી માહોલ જામ્યો છે. ત્યારે આજે પણ બનાસકાંઠા જીલ્લામાં મેઘ મહેર યથાવત રહેવા પામી હતી. છેલ્લા ત્રણ દિવસથી પડી રહેલ અવિરત વરસાદથી ખેડૂતોને પડતા પર પાટુ જેવી સ્થિતિ સર્જાઈ છે.
વરસાદમાં ભોજન સામગ્રી પલળી ગઈ
એક તરફ કમોસમી વરસાદી માહોલ જ્યારે બીજી તરફ લગ્નની મૌસમ જામી છે. ત્યારે અમીરગઢના આવલ ગામમાં લગ્ન ભોજન સમારંભ ચાલુ હતો. ત્યારે અચાનક મેઘરાજાની પધરામણી થતા લોકો જમતા જમતા થાળી લઈને દોડવું પડ્યું હતું. ધોધમાર વરસાદ વરસતા ભોજન સામગ્રી પણ વરસાદમાં પલળી જવા પામી હતી.
વેસ્ટર્ન ડિસ્ટર્બન્સ સક્રિય થતાં રાજ્યમાં કમોસમી વરસાદની આગાહી
રાજ્યભરમાં અત્યારે મિશ્ર ઋતુ જોવા મળી રહી છે, ત્યારે ઉનાળાની કાળઝાળ ગરમી વચ્ચે હવામાન વિભાગે ફરી કમોસમી વરસાદની આગાહી કરી છે. હવામાન વિભાગની આગાહી પ્રમાણે હજુ ચાર દિવસ રાજ્યભરમાં કમોસમી વરસાદ રહેશે. વેસ્ટર્ન ડિસ્ટર્બન્સ સક્રિય થતાં રાજ્યમાં કમોસમી વરસાદની આગાહી કરવામાં આવી છે.
24 કલાકમાં 27 તાલુકામાં વરસાદ
ગુજરાતના 27 તાલુકામાં કમોસમી વરસાદ નોંધાયો છે. જેમાંથી વધારે વરસાદ ધારીમાં નોંધાયો છે. અમેરલીના ધારીમાં 24 કલાકમાં 2.5 ઇંચથી વધુ વરસાદ પડ્યો છે. તો સવારકુંડલામાં પણ મેઘરાજાએ ધમાકેદાર બેટિંગ કરી છે, અહીં 24 કલાકમાં દોઢ ઇંચ જેટલો વરસાદ નોંધાયો છે. તો ગઢડામાં દોઢ ઇંચ વરસાદ નોંધાયો છે. આ ઉપરાંત બરવાવાળામાં એક ઇંચ વરસાદ પડ્યો છે. જ્યારે અમરેલી, નખત્રાણા, લાઠી, કલ્યાણપુર, જસદણમાં અડધો ઇંચ વરસાદ પડ્યો છે.
