આ કપલ કારથી 116 દેશો ફરી આવ્યાં! ગિનીઝ વર્લ્ડમાં રેકોર્ડ બનાવ્યાં બાદ કપલે યાત્રાની તમામ માહિતી આપી.
Share
કારમાં આ કપલ ફરી આવ્યું 116 દેશ
ગિનીઝ વર્લ્ડમાં બનાવ્યો નવો રેકોર્ડ
1999ની સાલમાં શરૂ કરી હતી યાત્રા
દુનિયામાં એવા અનેક લોકો હોય છે જે ફરવાનાં શોખીન હોય છે. વિકેન્ડ હોય કે વેકેશન, લોકો ફરવા માટે નીકળી પડતાં હોય છે. એવા જ એક કપલે હાલમાં એક ચોંકાવનારો વર્લ્ડ રેકોર્ડ બનાવ્યો છે. આ કપલે કારમાં 100થી વધારે દેશોનો પ્રવાસ કરીને નવો રેકોર્ડ બનાવ્યો છે.
The dynamic duo visited 116 countries by car, achieving the record title for the most countries visited in a continuous journey by car.https://t.co/n8M8T1Oa82
116 દેશો ફરી આવ્યાં
આ કપલનું નામ છે જેમ્સ રોજર્સ અને પેઈજ પાર્ક. આ બંને પતિ-પત્ની છે અને 40-50 નહીં પરંતુ 116 દેશો ફરી આવ્યાં છે. વધુ ચોંકાવનારી વાત તો એ છે કે 116 દેશો ફરવા માટે આ કપલે કારનો ઉપયોગ કર્યો હતો. આ ઉપલબ્ધિ બદલ તેમનું નામ ગિનીઝ વર્લ્ડ રેકોર્ડમાં નોંધાઈ ગયું છે. તેમણે પોતાની આ વર્લ્ડ ટૂર વર્ષો પહેલાં શરૂ કરી હતી.
આઈસલેંડથી શરૂ કરી યાત્રા
ગિનીઝ વર્લ્ડ રેકોર્ડ અનુસાર તેમણે પોતાની યાત્રાની શરૂઆત 1 જાન્યુઆરી 1999નાં આઈસલેંડથી કરી હતી. ત્યારે તેમની પાસે એક કાર હતી જે મર્સિડીઝ બેંઝ જેવી દેખાતી હતી. હરવા-ફરવાનાં શોખીન આ કપલને અચાનક એક દિવસ વિચાર આવ્યો કે કારથી દુનિયા ફરવી જોઈએ અને આ કપલ નિકળી પડ્યું પોતાની યાત્રા પર!
guinness world records
બાઈકથી પણ ફર્યાં છે
આ પતિ-પત્નિએ દુનિયાનાં ખૂણે-ખૂણાં જોયાં છે. જેમ્સ કહે છે કે તેમણે રેકોર્ડ બનાવવા માટે આ યાત્રા શરૂ નહોતી કરી. ફરવાનાં શોખીન જેમ્સે પહેલાં પણ દુનિયાનાં દેશો બાઈકથી ફર્યાં હતાં પરંતુ આ વખતે તેમને પત્ની સાથે મોકો મળ્યો હતો. જેમ્સે જણાવ્યું કે તેઓ પોતાની યાત્રા દરમિયાન અનેક યુદ્ધગ્રસ્ત વિસ્તારોમાં પણ ગયાં, બર્ફીલા તૂફાનોનો પણ સામનો કર્યો અને જર્જરિત થઈ ગયેલા રસ્તાઓનો પણ અનુભવ લીધો.
3 વર્ષથી સતત યાત્રા કરી
ચોંકાવનારી વાત એ છે કે આ કપલે 3 વર્ષ સુધી બ્રેક લીધાં વિના યાત્રા કરી હતી. આ વિશ્વભ્રમણમાં કપલનાં લાખો રૂપિયા ખર્ચ થયાં હશે પરંતુ જેમ્સને જ્યારે પૂછવામાં આવ્યું ત્યારે તેમણે કહ્યું કે તેમને નથી ખબર કે તેમણે કેટલા પૈસા ખર્ચ કર્યાં છે.
