મહેસાણા / એકબીજાના ખભે હાથ મૂકી ઊભું હતું કપલ, 'અમારા ગામમાં આવું નથી ચાલતું' કહીને માર્યો માર, કપડાં ફાડ્યા-ચેન ખોવાઈ

• વિસનગરના કડામાં દંપતીને મારવામાં આવ્યો માર
• એક બીજાના ખંભે હાથ રાખવાથી માર્યો માર
• માર મારવાના કેસમાં 4 લોકો વિરુદ્ધ ફરિયાદ

મહેસાણા જિલ્લાના વિસનગર તાલુકાના કડા ગામમાં દંપતીને માર મારવાની ઘટના સામે આવી છે. જેમાં યુવકના માથામાં 3 ટાંકા આવ્યા છે. આ મારા મારવાના કેસમાં 4 લોકો વિરુદ્ધ ફરિયાદ નોંધાઈ છે. 

દંપતીને માર્યો માર
મળતી માહિતી અનુસાર, વિસનગરના કડા ગામમાં દંપતી એક બીજાના ખંભે હાથ મુકીને ઉભેલા હતા. આ દરમિયાન 4 જેટલા શખ્સો ત્યાં આવ્યા હતા અને અમારા ગામમાં આવી રીતે કેમ ઉભા છો એવું કહીને માર માર્યો હતો. આ ચારેયે યુવકને લાકડી-ધોકા વડે માર માર્યો હતો, જ્યારે યુવતીને પણ આ ચારેયે માર માર્યો હતો. એક શખ્સે યુવતીનું ટી-શર્ટ પકડીને કોલર ખેંચતા કપડા ફાટી ગયા હતા. 

યુવકના માથામાં આવ્યા 3 ટાંકા 
જે બાદ દંપતીને સારવાર માટે હોસ્પિટલમાં ખસેડવામાં આવ્યા હતા. જ્યાં યુવકને માથામાં 3 ટાંકા આવ્યા હતા. આ મારામારીની ઘટનામાં યુવતીની સોનાની ચેન ખોવાઈ હતી. હાલ દંપતીએ આ મામલે કડા ગામના 4 શખ્સો વિરુદ્ધ ફરિયાદ નોંધાવી છે. વિસનગર તાલુકા પોલીસે ચાવડા કુણાલસિંહ, ચાવડા સંદીપસિંહ સહિત 4 લોકો સામે ફરિયાદ નોંધી તપાસ હાથ ધરી છે.