વિવાદ / રાજકોટમાં ભૂતિયા ખાતા ખોલાવી 33 કરોડની ઉચાપત, ત્યાગવલ્લભદાસ સ્વામી સહિત 3 લોકો સામે ફરિયાદ, જાણો વિગત

• આત્મીય યુનિવર્સિટીમાં ઉચાપતની ફરિયાદ 
• પવિત્ર જાનીએ ચાર લોકો સામે નોંધાવી ફરિયાદ
• ત્યાગવલ્લભદાસ સ્વામી સહિત 3 લોકો સામે આક્ષેપ

રાજકોટમાં આત્મીય યુનિવર્સિટીમાં ઉચાપતની ઘટના સામે આવી છે. આ સમગ્ર ઘટના બાદ રાજકોટ શહેરમાં ચકચાર મચી પામી છે. કુલ 33 કરોડની ઉચાપત મામલે આણંદની પવિત્ર જાનીએ તાલુકા પોલીસ સ્ટેશનમાં ફરિયાદ નોંધાવી છે. પવિત્ર જાનીએ કુલ ચાર લોકો ત્યાગવલ્લભદાસ સ્વામી, ધર્મેશ જીવાણી, વૈશાખી જીવાણી અને નિલેશ મકવાણા સામે ફરિયાદ નોંધાવી છે. આ તમામ લોકો પર સર્વોદય કેળવણી મંડળ ટ્રસ્ટની સંસ્થામાં કુલ 33 કરોડના ઉચાપતનો આક્ષેપ છે.

ભૂતિયા ખાતા ખોલાવી રકમ ટ્રાન્સફર કર્યાનો દાવો
સર્વોદય કેળવણી ટ્રસ્ટ હેઠળ આત્મીય યુનિવર્સિટી ચલાવવામાં આવે છે.. હરિધામ સોખડાના સ્વામી હરિપ્રસાદ દાસજીના નિધન બાદ કૃત્ય થયાનો આક્ષેપ પવિત્ર જાનીએ લગાવ્યા છે. બેન્કમાં કર્મચારીઓના ભૂતિયા ખાતા ખોલાવી રકમ ટ્રાન્સફર કર્યાના આરોપસર ફરિયાદ દાખલ કરાઈ તો ત્યાગવલ્લભ સ્વામીએ આ વાતને ખોટી ગણાવી છે.

પોલીસે ફરિયાદી નોંધી તપાસ શરૂ કરી
ડમી કંપની ઉભી કરીને કરોડો રૂપિયાની હેરાફેરી અંગે હાલ ત્યાગવલ્લભદાસ સ્વામી સહિત કુલ 4 લોકો સામે ફરિયાદથી ચકચાર મચી પામી છે. ત્યારે ફરિયાદી પવિત્ર જાની પણ આ સંસ્થામાં જ કાર્યરત હતી. ફરિયાદી પવિત્ર જાનીએ હરિપ્રસાદ સ્વામીના તાબામાં સંન્યાસ લીધો હતો. ફરિયાદી 28 વર્ષ સુધી હરિપ્રસાદ સ્વામીના પર્સનલ આસિસ્ટન્ટ તરીકે રહ્યા હતા પરંતુ હાલ પોલીસે ફરિયાદી નોંધી તપાસ શરૂ કરી છે.