- રાજ્યની જેલોમાં એક સાથે કરાયેલા દરોડાનો મામલો
- રેડ દરમિયાન ધ્યાને આવેલ ગંભીર બાબતોનો રિપોર્ટ તૈયાર
- ગંભીર બાબતોનો સમગ્રલક્ષી રિપોર્ટ ગૃહ વિભાગને સોંપાયો
રાજ્યમાં ગૃહ રાજ્યમંત્રી હર્ષ સંઘવી સાથે ઉચ્ચ પોલીસ અધિકારીઓ તેમજ સચિવોની બેઠક બાદ અચાનક જ રાજ્યની સાબરમતી જેલ સહિત 17 જેલમાં મેગા સર્ચ ઓપરેશન હાથ ધરવામાં આવ્યું હતું. એકા-એક રાજ્યની તમામ જેલમાં સાગમટે દરોડા પડ્યા હતા. મોડી સાંજે હાથ ધરવામાં આવેલ સર્ચ ઓપરેશન સવાર સુધી ચાલ્યું હતું. જેમાં 1700 કર્મચારીઓ જોડાયા હતા. રાજ્યની 17 જેલમાં પોલીસના સર્ચ ઓપરેશન અનેક જેલમાંથી અનેક પ્રતિબંધિત વસ્તુઓ મળી આવી હતી. રેડ દરમિયાન ધ્યાને આવેલ ગંભીર બાબતોનો રિપોર્ટ તૈયાર કરવામાં આવ્યો છે
રેડ દરમિયાન નજરે પડેલી ખામીઓનો રિપોર્ટમા ઉલ્લેખ
રાજ્યની જેલોમાં એક સાથે કરાયેલા દરોડો દરમિયાન ધ્યાને આવેલ ગંભીર બાબતોનો રિપોર્ટ તૈયાર કરવામાં આવ્યો છે. ગંભીર બાબતોનો સમગ્રલક્ષી રિપોર્ટ ગૃહ વિભાગને સોંપાયો છે. રેડ દરમિયાન નજરે પડેલી ખામીઓનો રિપોર્ટમા ઉલ્લેખ કરાયો છે તેમજ જેલ વ્યવસ્થા અને નિયમોમાં ચૂક દાખવનાર અધિકારિયો સામે તવાઈ થશે. દરોડા દરમિયાન નજરે પડેલી ચૂક મુદ્દે જવાબદારો સામે થશે કાર્યવાહી કરાવામાં આવ્શે અને બદલીઓથી લઈને ખાતાકીય તપાસ સુધીના પગલાઓ લેવાની તૈયારી છે.
.JPG)
39 ઘાતક સમાન તેમજ 3 જગ્યાએ માદક પદાર્થો પણ મળી આવ્યા હતા
રાજ્યની 17 જેલમાં પોલીસના સર્ચ ઓપરેશન દરમિયાન 16 મોબાઇલ, 10 ઈલેકટ્રીક ચીજવસ્તુ મળી આવી હતી તેમજ 39 ઘાતક સમાન તેમજ 3 જગ્યાએ માદક પદાર્થો પણ મળી આવ્યાની વિગતો મળી હતી. રાજ્યની 17 જેલોમાં 1700 જેટલા પોલીસ જવાનો તપાસમાં જોડાયા હતાં. જેલોમાં કરેલ મેગા સર્ચ ઓપરેશન રાતભર ચાલ્યું હતું. અત્રે ઉલ્લેખનીય છે કે, સર્ચ ઓપરેશન CMએ CM ડેશબોર્ડ ખાતેથી નિરીક્ષણ કર્યું હતું તેમજ ત્રિનેત્ર ખાતેથી ગૃહમંત્રી હર્ષ સંઘવી દ્વારા લાઈવ મોનીટરીંગ કરાયું હતું. તપાસ દરમિયાન સુરતની જેલમાં બબાલ થઈ હતી. પોલીસની રેડમાં વિલંબ થાય એટલા માટે સુરતની જેલમાં કેદીઓએ આગ લગાવી હોવાની પણ વિગતો પાપ્ત થઈ હતી.
