- ઉત્તર પ્રદેશમાં પત્નીને મોતને ઘાટ ઉતારી દેતો પતિ
- હત્યા પાછળ આડકતરી રીતે સોશિયલ મીડિયા જવાબદાર
- પતિ પત્નીના ઝઘડાનો કરુણ અંત
ઉત્તર પ્રદેશમાં એક બિઝનેસમેને તેમની પત્નીને કથિત રીતે મોતને ઘાટ ઉતારી દીધી હોવાનું સામે આવ્યું છે. જેની પાછળ આડકતરી રીતે સોશિયલ મીડિયા જવાબદાર હોવાનું માનવામાં આવી રહ્યું છે. કારણ કે પત્નીને instagram પર ખૂબ ફોલોઅર્સ હતા અને પતિની ગેરહાજરીમાં પત્નીને મળવા આવતા હોવા સહિતની શંકા જતા પતિએ પત્નીનું ઢીમ ઢાળી દીધું હતું. 13 ઓગસ્ટ ના રોજ બને વાહનમાં જઈ રહ્યા હતા. આ દરમિયાન ઝઘડો થઈ ગયો હતો. જોતજોતામાં માથાકૂટે ઉગ્ર સ્વરૂપ ધારણ કરી લેતા પતિએ કથિત રીતે પત્નીનું ગળું દબાવી તેમને પરલોક પહોંચાડી દીધી હતી.કલાકો સુધી મૃતદેહને કારમાં બંધ રાખ્યો હતો.
2008માં પ્રેમિકા મોનિકા સાથે લવ મેરેજ કર્યા હતા
આ દરમિયાન પુત્ર અને પુત્રી પણ કારમાં સાથે હોવાથી પોલીસ પેટ્રોલિંગમાં આવી ત્યારે પુત્ર અને પુત્રીએ પિતાની હરકત અંગે પોલીસને જણાવ્યું હતું. બાદમાં હત્યા પ્રકરણ ઉઘાડું પડતા પોલીસે આરોપીને દબોચી લઇ તેની વિરુદ્ધ કાયદેસરની કાર્યવાહી હાથ ધરી છે. પોલીસ સૂત્રોમાંથી જાણવા મળતી વિગત અનુસાર આરોપી રાહુલ મિશ્રા ટૂર એન્ડ ટ્રાવેલ એજન્સીનો માલિક છે. જેને 2008માં પ્રેમિકા મોનિકા સાથે લવ મેરેજ કર્યા હતા. તેની પત્ની મોનિકા ગુપ્તા ગૃહિણી હતી. હાલ તેઓ 12 વર્ષની પુત્રી અને પાંચ વર્ષના પુત્ર સાથેલખનૌના પારા વિસ્તારમાં રહેતા હતા. હાલ પોલીસે આરોપી પતિને પકડી લીધો છે.
ઇન્સ્ટાગ્રામને કારણે વિવાદ
પોલીસના અનુમાન અનુસાર એવું લાગે છે કે મોનિકા ગુપ્તાના ઇન્સ્ટાગ્રામ પર મોટી સંખ્યામાં ફોલોઅર્સ હોવાને કારણે આરોપી પતિને શંકા હતી કે પત્નીના કેટલાક સોશિયલ મીડિયા ફોલોઅર્સ તેની ગેરહાજરીમાં પણ તેની મુલાકાત લેતા હતા. આ બાબતે બંને વચ્ચે ઘણી વખત દલીલો થતી હતી. બાદમાં કંકાસનો કરુણ અંત આવ્યો છે.
