જુનાગઢના માળીયા હાટિનામાં માત્ર 10 વર્ષના બાળકે 14 ફૂટ લાંબા અજગર સાથે બાથ ભીડી,હંફાવી દીધો. બાળકના અદભૂત પરાક્રમ બાદ, વન વિભાગે અજગરને ઝડપી લીધો
Share
સોરઠની ધીંગી ધરા પર અનોખું પરાક્રમ
10 વર્ષના બાળકે 14 ફૂટના અજગરને હંફાવ્યો
ખેતરમાં રમતા બાળક પર અજગરે કર્યો હૂમલો
સૌરાષ્ટ્રમાં માત્ર 14 વર્ષીય બાળાએ પોતાની બહાદૂરી અને ખુમારીથી ગીર કેસરીને ઉભી પૂંછડીએ ભગાડ્યા ઘટના વિરલ હતી.એથી મોટી ઘટના ઘટી, આ સત્યક્થાને રાષ્ટ્રીય શાયર ઝવેરચંદ મેઘાણીએ શબ્દ દેહ આપી રચેલી અમર રચના એટલે 'ચારણ કન્યા'. આજે પણ આ રચના માત્ર ગિરીકંદરામાં જ સુખ્યાત છે તેવું નથી પણ,દરિયા પારના દેશોમાં પણ જ્યારે આ ગવાય છે ત્યારે, શબ્દ ચિત્ર ઉપસી આવે છે.આ વાત એટલા માટે યાદ કરાવીએ છીએ કે, જુનાગઢના માળીયા હાટિનામાં માત્ર 10 વર્ષના બાળકે જે અદભૂત પરાક્રમ અને શૌર્ય દાખવ્યું છે તે 'ચારણ કન્યા'રચનાથી કઈ કામ નથી.
14 ફૂટના અજગરને આવી રીતે હંફાવ્યો
વાત છે જૂનાગઢના માળીયા હાટિનાના ખોબા જેવડા જલંધર ગામની. માત્ર 10 વર્ષની વયનો આશિષ ખેતરમાં રમતો હતો ત્યારે, 14 ફૂટના વિશાળકાય અજગરે તેના પર હૂમલો કર્યો. શરૂઆતમાં તો હેબતાઈ ગયેલા બાળક આશિષે અચાનક ઝનૂનતાપૂર્વક વિશાળકાય અજગરનો પ્રતિકાર મુક્કો મારીને કરવાનું શરુ કર્યું. વળતા પ્રહારથી ડઘાઈ ગયેલા અજગરે, આશિષને થીડી રાહત આપી, તો આશિષે ખેતરમાં પડેલા પથ્થરથી પ્રહાર કરવાનું શરુ કર્યું. દરમિયાન,અજગરે આશિષનો પગ મોંઢામાં લઇ શીકાર કરવાનો પણ પ્રયાસ કર્યો હતો. તો બાળક આશિષે અજગરના મોંઢા પર હાથથી મુક્કા મારી પગ છોડાવવામાં સફળતા મેળવી હતી.
વન વિભાગે અજગરને કર્યો ઝબ્બે
આ દરમિયાન ખેતરમાં રહેલા પિતા વરજાંગ કરમટા દોડી આવ્યા અને વન વિભાગને જાણ કરી હતી. વન વિભાગનાં કર્મચારીઓએ આવી પહોચી અજ્ર્ગારને ઝડપી લીધો હતો. બહાદૂર બાળક આશિષ જૂનાગઢ જિલ્લા પંચાયતના સભ્ય મધુબેન કરમટાનો પુત્ર છે . આ અપ્રતિમ સાહસ દાખવી બાળક આશિષે ફરી એક વાર 'ચારણ કન્યા'જેવા શોર્યને યાદ કરાવ્યું છે
