- ગેસની સમસ્યામાં હર્બલ ટીનું સેવન કરો
- સમસ્યામાં એપ્પલ સાઇડર વિનેગર પણ કારગર છે
- ગેસની સમસ્યા માટે જીરાનું પાણી પણ સારો વિકલ્પ છે
Home Remedies can Remove GAS:અત્યારેના અનિયમિત ભોજનનો સમય અને ફાસ્ટફૂડના કારણે ગેસની સમસ્યા થવી સામાન્ય બની ગઇ છે. ઘણા લોકો ગેસની સમસ્યાથી પરેશાન રહે છે. ગેસ એક એવી સમસ્યા છે કે જે વ્યક્તિને કહી પણ નથી શક્તો અને સહન કરવુ પણ મુશ્કેલ બને છે. તો આવો આજે ગેસની સમસ્યા માટે અસરકારક ઘરેલુ ઉપચાર વિશે જાણીએ. જેના સેવનથી તમને ગેસ અને અપચાની સમસ્યામાં રાહત મળશે.
ગેસની સમસ્યામાં રાહત આપશે આ ઘરેલુ વસ્તુ
1.હિંગ
ગેસને દૂર કરવામાં હિંગ ખૂબ અસરકારક માનવામાં આવે છે. જો તમારા શરીરમાં ભોજન બાદ ગેસ બને છે તો તમે ગરમ પાણીમાં થોડી હિંગ નાંખીને પીવો. તેનાથી તમને આરામ મળશે.
2. એપ્પલ સાઇડર વિનેગર
ગેસની સમસ્યામાં એપ્પલ સાઇડર વિનેગર પણ કારગર છે. એક ગ્લાસ પાણીમાં એક મોટી ચમચી એપલ સાઇડર વિનેગર મિક્સ કરીને પીવો. તેનાથી પાચનમાં સહાયતા મળશે અને ગેસની સમસ્યા દૂર થશે.
3. અજમો
ગેસ અને અપચાની સમસ્યામાં રસોડામાં રહેલો અજમાનો ઉપયોગ કરો. તમે અજમાનું પાણી ખાલી પેટ પીવો. તેનાથી ગેસની સમસ્યામાં આરામ મળશે.
4. હર્બલ ચા
અમુક હર્બલ ચાની સહાયતા પણ ગેસની સમસ્યાને દૂર કરી શકાય છે. તમે સૂંઠવાળી ચા, આદુવાળી ચા, ગ્રીન ટી પીને કબજિયાત અને ગેસ જેવી સમસ્યામાં રાહત મેળવી શકો છો.
5. જીરુ
ગેસની સમસ્યા માટે જીરાનું પાણી પણ સારો વિકલ્પ છે. જે ખોરાકને પાચન કરવામાં મદદ કર છે. એક મોટી ચમચી જીરુ લો, બે કપ પાણીમાં 10થી 15 મિનિટ સુધી ગરમ કરો અને પછી ઠંડુ કરીને આ પાણીને પીવો.
6. આદુ
ગેસની સમસ્યામાં રાહત મેળવવા માટે તમે આદુનો પણ ઉપયોગ કરી શકો છો. એક ચમચી આદુને છીણી લો, તેને જમ્યા બાદ એક ચમચી લીંબુના રસમાં મિક્સ કરીને તેનુ સેવન કરો.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
