સુરત પીપલ્સ કો-ઓપરેટિવ બેંકના એમ.ડી જતિન નાયકે જણાવ્યું કે, લોકોને કંઈપણ પેનિક થવાની જરૂર નથી, સ્ટારવાળી નોટને લઈ જરા પણ ડરવાની જરૂર નથી તેનું મૂલ્ય જેટલું છે એટલું જ છે
Share
સ્ટારવાળી 500 રૂ.ની નોટ નકલી હોવાની અફવા
સમગ્ર ઘટના અંગે VTV NEWSની પડતાલ
બેંક અધિકારીઓએ મેસેજ ખોટો ગણાવ્યો
દેશભરમાં હાલ 500 રૂપિયાની એક ખાસ નોટને લઇને વિવાદ થયો છે. 500 રૂપિયાની કેટલીક નોટોમાં સ્ટારના નિશાનને લઇને આ નોટો નકલી હોવાની અફવા ઉડી રહી છે. જેને લઇને સોશિયલ મીડિયામાં ચર્ચા શરૂ થઇ છે. 500 રૂપિયાની સ્ટાર ધરાવતી નોટ નકલી હોવાની અફવાને લઇને દેશમાં અનેક જગ્યાઓએ લોકોએ સ્ટાર ધરાવતી નોટો સ્વિકારવાનું બંધ કરી દીધું છે. ત્યારે 500 રૂપિયાની સ્ટાર સાથેની નોટ અંગે VTV ન્યૂઝે સમગ્ર ઘટના અંગે પડતાલ કરી. VTV ન્યૂઝે આ અંગે બેંકના અધિકારીઓ સાથે વાતચીત કરી છે. અધિકારીઓએ વાયરલ મેસેજને ખોટો ગણાવ્યો છે. મહત્વનું છે કે સ્ટાર સાથેની નોટને લઇને રિઝર્વ બેંકે પણ ખુલાસો કરી આ નોટો અસલી હોવાની સ્પષ્ટતા કરી છે.
બૅન્કના અધિકારીએ શું કહ્યું ?
સુરત પીપલ્સ કો-ઓપરેટિવ બેંકના એમ.ડી જતિન નાયકે જણાવ્યું કે, લોકોને કંઈપણ પેનિક થવાની જરૂર નથી. તેમણે ઉમેર્યું કે, RBIએ પણ તેની વેબસાઈટ પર પણ નોટીફિકેશન મુકીને પણ જાણ કરી છે. તેમણે કહ્યું કે, સ્ટારવાળી નોટને લઈ જરા પણ ડરવાની જરૂર નથી તેનું મૂલ્ય જેટલું છે એટલું જ છે. તેમણે કહ્યું કે, સોશિયલ મીડિયામાં આવતી ઘણી બધી બાબતો સત્યથી વેગળી હોય છે માટે પહેલા વાંચવાની, સાંભળવાની અને તેની સત્ય બાબત તપાસવાની જરૂર હોય છે.
સુરત પીપલ્સ કો-ઓપરેટિવ બેંકના એમ.ડી
'PIB ફેક્ટ ચેક'
'PIB ફેક્ટ ચેક'એ ફેક મેસેજ શેર કરતા લખ્યું- શું તમારી પાસે સ્ટાર (*) વાળી નોટ છે? શું આ નકલી નથી? ગભરાશો નહીં!! આવી નોટો નકલી હોવાનો મેસેજ ફેક છે. આરબીઆઈએ ડિસેમ્બર 2016 થી નવી રૂ. 500 ની બેંક નોટોમાં સ્ટાર સિમ્બોલ (*) રજૂ કર્યું. PIB ફેક્ટ ચેક એ 'પ્રેસ ઇન્ફર્મેશન બ્યુરો'નું ફેક્ટ ચેકિંગ યુનિટ છે.
कहीं आपके पास भी तो नहीं है स्टार चिह्न (*) वाला नोट❓
વાયરલ મેસેજમાં શું દાવો કરવામાં આવ્યો?
500 રૂપિયાની નોટની તસવીર સાથેનો એક મેસેજ સોશિયલ મીડિયા પર વાયરલ થઈ રહ્યો છે. આ મેસેજમાં લખ્યું છે- છેલ્લા 2-3 દિવસથી (*) સિમ્બોલવાળી આ 500ની નોટો બજારમાં દોડવા લાગી છે. આવી નોટ ગઈકાલે ઈન્ડસઈન્ડ બેંકમાંથી પરત કરવામાં આવી હતી. આ નકલી નોટ છે. આજે પણ એક મિત્રને એક ગ્રાહક પાસેથી આવી 2-3 નોટ મળી હતી, પરંતુ ધ્યાન ન હોવાને કારણે તેણે તરત જ પરત કરી દીધી હતી. ગ્રાહકે એમ પણ કહ્યું કે આ નોટ સવારે કોઈએ આપી હતી. તમે પણ ધ્યાન રાખો બજારમાં નકલી નોટો લઈને ફરનારાઓની સંખ્યામાં વધારો થયો છે.
