થાણે / ઘોર બેદરકારી : મહારાષ્ટ્રમાં એક મહિલાને આપી દીધા વેક્સિનના 3 ડોઝ પછી જે થયુ...

• થાણેમાં એક મહિલાને 15 મીનીટમાં આપ્યા ૩ ડોઝ
• સ્થાનિક પ્રશાસને વાતને નકારી 
• મહિલાના સ્વાસ્થ્ય પર આડઅસર થઇ નથી

કોરોનાના કેસમાં નોંધપાત્ર ઘટાડો થયો
દેશમાં કોરોનાની બીજી લહેરમાં નોંધપાત્ર ઘટાડો થયો છે અને દરેક રાજ્યમાં વેક્સીનેશન પ્રોગ્રામે ગતિ પકડી છે. દરરોજ લગભગ 70 લાખ લોકોને વેક્સીન આપવામાં આવી રહી છે. 21 જુનથી 18 વર્ષથી વધુ વયના લોકોને વિનામૂલ્યે દેશભરમાં વેક્સીન લગાવામાં આવી રહી છે.

મહીલાને 15 મીનીટમાં વેકસીનના ૩ ડોઝ આપી દીધા
દેશભરમાં વેક્સીનેશન પ્રોગ્રામની સફળતાની સાથે સાથે એવા કિસ્સા પણ બન્યા છે કે જે સરકારના આયોજન પર સવાલ ઉઠાવતા હોય છે. એવું જ કંઇક મહારાષ્ટ્રના થાણે વિસ્તારમાં બન્યું છે કે જ્યાં એક મહીલાને ભૂલથી 15 મીનીટમાં વેકસીનના ૩ ડોઝ આપી દીધા પરંતુ સ્થાનિક પ્રશાસને આ વાતને નકારી દીધી છે.

સ્થાનિક પ્રશાસને વાતને નકારી દીધી   
મીડિયા રીપોર્ટ મુજબ, જે મહિલાએ વેકસીનના 3 ડોઝ આપ્યાનો દાવો કર્યો છે તેના પતિએ આ બાબત પર કહ્યું કે, શુક્રવારના રોજ તેઓ વેક્સીન લેવા ગયા હતા. મારી પત્નીએ બહાર આવીને જણાવ્યું કે તેણે વેકસીનના 3 ડોઝ આપવામાં આવ્યા છે. જોકે, સ્થાનિક પ્રશાસને આ વાતને નકારતા કહ્યું કે, મહિલાને માત્ર એક જ ડોઝ આપવામાં આવ્યો છે.

આ બાબત પર તપાસ હાથ ધરવામાં આવી 
આ બાબત પર અત્યારે તપાસ ચાલી રહી છે અને થોડાક સમયમાં 3 ડોઝનું સત્ય સામે આવી જશે. સારી બાબત એ છે કે જો મહિલાને 3 ડોઝ આપવામાં આવ્યા હતા તો પણ તેમના સ્વાસ્થ્ય પર તેની આડઅસર થઇ નથી. પ્રશાસને મહિલાને આશ્વાસન આપ્યું છે કે, આખી બાબતની સંપૂર્ણ તપાસ કરવામાં આવશે.

રાજ્યમાં ડેલ્ટા પ્લસ વેરીએન્ટના 21 કેસ નોંધાઈ ચુક્યા છે
મહારાષ્ટ્રમાં કોરોનાના સૌથી વધારે એક્ટીવ કેસ હોવાથી સરકાર ત્યાં વધુ જાગૃત થઈને રસીકરણની કામગીરી કરી રહી છે. ચિંતાજનક બાબત તે છે કે, રાજ્યમાં ડેલ્ટા પ્લસ વેરીએન્ટના પણ 21 કેસ નોંધાઈ ચુક્યા છે. તેમાંથી એક દર્દી એવો પણ છે કે, જેણે વેક્સીનનો એક ડોઝ લીધો હતો. તેવામાં આવી ઘટના બનવી એ સરકારના આયોજન પર પણ આંગળી ચીંધે છે.