Dhanteras 2023 / ધન તેરસ પર લોકોએ ખોબલેને ખોબલે લીધું સોનું, દેશમાં 27,00,00,000,000 રૂપિયાના ગોલ્ડનું વેચાણ, વેપારીઓને ચાંદી

• ધનતેરસનાં દિવસે થઈ રહી છે ભરપૂર ખરીદી
• દેશભરમાં આજનાં દિવસમાં 27 હજાર કરોડનું સોનું વેંચાયુ
• સોના-ચાંદીની ખરીદી કરવા માટે ભીડ બજારમાં ઊમટી છે

ધનતેરસનાં દિવસે આજે બજારમાં ઘણી ભીડ જોવા મળી રહી છે. ખાસ કરીને જ્વેલર્સને ત્યાં લોકોનાં ટોળેટોળા ઊમટ્યાં છે. ઑલ ઈન્ડિયા જ્વેલર્સ એન્ડ ગોલ્ડસ્મીથ ફેડરેશનનાં રાષ્ટ્રીય અધ્યક્ષ પંકડ અરોડાએ જણાવ્યું કે આજે દેશભરમાં સોના-ચાંદી તેમજ અન્ય વસ્તુઓનો લગભગ 30 હજાર કરોડ રૂપિયાનો ટ્રેડ થયો છે. જ્યાં આજનાં દિવસમાં સોનું 27 હજાર કરોડનું વેંચાયું છે તો ચાંદીનો વેપાર પણ આશરે 3 હજાર કરોડનો થયો છે.

41 ટન સોનું અને 400 ટન ચાંદી વેંચાયું
અનુમાન અનુસાર આજે ધનતેરસનાં દિવસે દેશભરમાં આશરે 41 ટન સોનું જ્યારે 400 ટન ચાંદીનાં ઘરેણાં-સિક્કા વેંચાયા છે. દેશમાં લગભગ 4 લાખ નાના-મોટા જ્વેલર્સ છે જેમાં 1 લાખ 85 હજાર જ્વેલર્સ ભારતીય માનક બ્યૂરોમાં રજિસ્ટર્ડ જ્વેલર્સ છે અને 2 લાખ 25 હજાર નાના જ્વેલર્સ એ ક્ષેત્રોમાં છે જ્યાં સરકારે હજુ BIS લાગૂ કર્યું નથી.

આ વસ્તુઓનું પણ થઈ રહ્યું છે ભરપૂર વેંચાણ
કેટનાં રાષ્ટ્રીય અધ્યક્ષે જણાવ્યું કે આજે ધનતેરસનાં દિવસે શ્રીગણેશજી, શ્રીલક્ષ્મીજી, શ્રીકુબેરજીની મૂર્તિઓ અને ફોટા ઘણાં વેંચાઈ રહ્યાં છે. તો આજનાં દિવસે વાહન, સોના-ચાંદીનાં ઘરેણાં, વાંસણ, રસોઈનાં સાધનો, ઈલેક્ટ્રોનિક્સ વસ્તુઓ સહિત ઝાડૂની ખરીદી થયા હોવાનો પણ અનુમાન લગાડવામાં આવી રહ્યો છે.