- ઈઝરાઈલ-પેલેસ્ટાઈન યુદ્ધની વચ્ચે ફસાયા 27 ભારતીયો
- પવિત્ર શહેર જેરુસલેમની યાત્રાએ ગયા હતા
- તમામ મેઘાલયના ખ્રિસ્તીઓ છે
- સીએમ કોનરાડ સંગમાએ ટ્વિટ કરીને માહિતી આપી
ઈઝરાયેલ અને પેલેસ્ટાઈન વચ્ચે યુદ્ધ જેવી સ્થિતિ વચ્ચે મેઘાલયના 27 યાત્રાળુઓ જેરુસલેમમાં ફસાયેલા છે. મેઘાલયના મુખ્યમંત્રી કોનરાડ સંગમાએ સોશિયલ મીડિયા પ્લેટફોર્મ X (અગાઉ ટ્વિટર) પર આ માહિતી આપી છે. તેમણે પોતાના હેન્ડલ પરથી લખ્યું છે કે મેઘાલયથી પવિત્ર યાત્રાધામ જેરુસલેમની યાત્રાએ ગયેલા 27 નાગરિકો ત્યાં અટવાયા છે. કોનરેડ સંગમાએ લખ્યું છે કે તેમના સહિસલામત પાછા આવવા પર હું વિદેશ મંત્રાલયના સંપર્કમાં છું.
મુખ્યમંત્રી કોનરાડ સંગમાએ ટ્વિટ કર્યું
મુખ્યમંત્રી કોનરાડ સંગમાએ લખ્યું છે કે મેઘાલયના 27 લોકો બેથલહેમ શહેરમાં ફસાયેલા છે . આ તમામ નાગરિકો થોડા દિવસ પહેલા મેઘાલયથી પવિત્ર યાત્રાધામ જેરુસલેમની મુલાકાતે ગયા હતા. ટ્વીટ કરતી વખતે મુખ્યમંત્રી કોનરાડ સંગમાએ વિદેશ મંત્રી એસ જયશંકર અને વિદેશ મંત્રાલયને પણ ટેગ કર્યા છે.
ભારતીય દૂતાવાસે એક એડવાઇઝરી જારી કરી
ઈઝરાઈલ અને હમાસ વચ્ચે યુદ્ધ શરૂ થયા બાદ ભારતીય દૂતાવાસે એક એડવાઇઝરી જારી કરી હતી. જેમાં ભારતીયોને એલર્ટ રહેવા માટે કહેવામાં આવ્યું હતું.
યુદ્ધની શરુઆત કેવી રીતે થઈ
ઉલ્લેખનીય છે કે શનિવારે સવારે પેલેસ્ટાઈન આર્મ્સ ગ્રુપ હમાસે ગાઝા પટ્ટીથી શ્રેણીબદ્ધ રોકેટ હુમલા કર્યા હતા. આ હુમલા ઈઝરાયેલ પર કરવામાં આવ્યા હતા. હમાસે આ હુમલાની જવાબદારી સ્વીકારી હતી હમાસે ગાઝા પટ્ટીથી લગભગ 20 મિનિટમાં 5,000 રોકેટ છોડ્યા હતા. તેમણે ઇઝરાયેલમાં ઘૂસણખોરી કરીને કેટલાક લશ્કરી વાહનો પણ ઉઠાવી લીધા હતા. આ ઉપરાંત ઈઝરાયેલના પાંચ સૈનિકોનું અપહરણ કરવામાં આવ્યું છે. આ હુમલાઓમાં લગભગ 5 લોકોના મોત થયા છે અને 100થી વધુ લોકો ઘાયલ થયા છે.
