- જી-20 ટૂરિઝમ વર્કિંગ ગ્રૂપ કોન્ફરન્સમાં અંતની ઘડીએ બદલાવ
- 26/11 જેવા હુમલાના કાવતરાનો પર્દાફાશ
- ફારૂક અહેમદ વાનીએ અનેક ખુલાસા કર્યા
જમ્મુ અને કાશ્મીરમાંથી મોટા સમાચાર સામે આવ્યા છે. જેમાં G-20 ટૂરિઝમ વર્કિંગ ગ્રૂપ કોન્ફરન્સના કાર્યક્રમમાં સુરક્ષા દળોએ અંતની ઘડીએ બદલાવ કર્યો છે. વાસ્તવમા એવા ઈનપુટ મળ્યા હતા કે આતંકવાદી સંગઠનોએ ગુલમર્ગમાં જી-20 દરમિયાન 26/11 જેવા હુમલાનું કાવતરું રચ્યું છે. પાકિસ્તાની ગુપ્તચર એજન્સી આઈએસઆઈના માર્ગદર્શન હેઠળ આ ષડયંત્ર ઘડવામાં આવ્યું હોવાના અહેવાલો મળી રહ્યા હતા. જેને લઈને એજન્સીઓએ સતર્ક બની પોશ હોટલમાં કામ કરતા ઓવર-ગ્રાઉન્ડ વર્કરને દબોચી લીધો હતો. જેના ખુલાસા બાદ કાર્યક્રમમા ફેરફાર કરાયો છે.
G-20 નજીક લોખંડી સુરક્ષા વ્યવસ્થા
બીજી તરફ આ મામલે સતર્કતા કાર્યવાહી કરવામાં આવી રહી છે. જેમાં સાવચેતીના ભાગરૂપે G-20 નજીક લોખંડી સુરક્ષા વ્યવસ્થા ગોઠવવામાં આવી છે. ઉપરાંત પોલીસ દ્વારા જી-20 બેઠકને લઈને ચાલી રહેલી અફવાઓ વિરુદ્ધ પગલા લેવામાં આવી રહ્યા છે તેમજ અમુક શંકાસ્પદ આંતરરાષ્ટ્રીય મોબાઇલ નંબરો જાહેર કરી પબ્લિક એડવાઇઝરી બહાર પદાઇ છે. OGW એ એવા લોકોનો સમૂહ છે જે આતંકવાદીઓને રોકડ, આશ્રયસ્થાન અને અન્ય વ્યવસ્થા આપીને મદદ કરે છે. વધુમાં તે જમ્મુ-કાશ્મીરમાં હિઝબુલ મુજાહિદ્દીન અને જૈશ-એ-મોહમ્મદ જેવા આતંકવાદી સંગઠનો માટે કામ કરે છે.
ફારૂક અહેમદ વાનીએ અનેક ખુલાસા કર્યા
સુરક્ષા દળો એપ્રિલમાં બારામુલ્લાના હૈગામ સોપોરનો વતની અને ફાઈવ સ્ટાર હોટલમાં ડ્રાઈવર તરીકે કામ કરાતા ફારૂક અહમદ વાનીને શકમંદ તરીકે ઉઠાવી લીધો હતો. શ્રીનગરથી લગભગ 45 કિમી દૂર સ્થિત એક પ્રખ્યાત પર્યટન સ્થળ પંચતારા હોટેલમાં ડ્રાઇવર પર આતંકવાદી સંગઠનો સાથે OGW તરીકે સંકળાયેલો હોવાનું સુત્રોમાંથી જાણવા મળી રહ્યા છે.
સરહદ પારના ISI અધિકારીઓના સીધા સંપર્કમાં
ઉપરાંત તે સરહદ પારના ISI અધિકારીઓના સીધા સંપર્કમાં પણ હતો. જેથી તેની પૂછપરછ દરમિયાન અનેક ખુલાસા થયા છે. તેના જણાવ્યા અનુસાર આતંકીઓ આતંકવાદીઓ 26 નવેમ્બર, 2011ના રોજ મુંબઈમાં લશ્કર-એ-તૈયબાના આતંકવાદીઓની જેમ જ હોટલમાં ઘુસી વિદેશી મહેમાનો સહિત ના લોકોને નિશાન બનાવવાનો પ્લાન હતો. વધુમાં જી-20 દરમિયાન આતંકવાદીઓ કાશ્મીરમાં બે થી ત્રણ જગ્યાએ હુમલો કરવાની તૈયારીમાં હોવાનું પણ દાવો કરાઈ રહ્યો છે.
