- ગણેશ ચતુર્થી 2023ની હવે ઘડીઓ ગણાય રહી છે
- ગણેશ ચતુર્થી 2023 પહેલા કરી લિયો આ ઉપાય
- ઘરમાં થશે પોઝિટિવ ઉર્જાનો સંચાર
હિન્દુ ધર્મમાં કોઇપણ શુભ કાર્યની શરૂઆતમાં સૌથી પહેલા ગણેશજીનું આહવાન, પુજા કરવામાં આવે છે. જેમાં ભૂમિ પુજન, વાહન પુજન, ગૃહ પ્રવેશ, લગ્ન કે કોઇ અન્ય શરૂઆત હોય. લગ્નમાં પણ સૌથી પહેલું આમંત્રણ ગણપતિજીને આપવામાં આવે છે. આથી જ તો આમંત્રણ પત્રિકામાં ગણપતિ મંત્ર લખેલો હોય છે. તમામ દેવી-દેવતાઓમાં એકમાત્ર ગણેશજી જ એવા ભગવાન છે જેઓને પ્રથમ પુજ્યનું સ્થાન પ્રાપ્ત છે. મોટાભાગના લોકો નવા સામાનની ખરીદી કરી ઘરે લાવે તો તેના પર સ્વસ્તિકનું ચિન્હ બનાવ્યા બાદ દિપ સળગાવી પુજન કર્યા બાદ જ તેનો ઉપયોગ કરવાનું શરૂ કરે છે. સ્વસ્તિકના ચિન્હથી ઘરમાં પોઝિટિવ ઉર્જાનો સંચાર થઈ શકે છે.
મંગળ કાર્ય પહેલા સ્વસ્તિક કેમ બનાવે છે ?
પુજામાં જેવી રીતે શ્રી ગણેશને સૌથી પહેલા પુજવામાં આવે છે, તેવી જ રીતે સ્વસ્તિકને મંગલ કાર્ય શરૂ કર્યા પહેલા બનાવવામાં આવે છે. કંકોત્રી, વેપારીઓના ખાતા બૂક, દરવાજા પર તથા પુજાની થાળીમાં અંકિત સ્વસ્તિક એ ભગવાન શ્રી ગણેશનું જ પ્રતિક ચિન્હ છે. કોઇપણ મોટા અનુષ્ઠાન અથવા હવન પહેલા સ્વસ્તિક ચિન્હ નિશ્ચિતરૂપથી બનાવવામાં આવે છે. આ ચિન્હ શુભતાનું તો પ્રતિક છે, સાથે સાથે જે જગ્યા પર આ ચિન્હ બનેલું હોય ત્યાં સકારાત્મક ઉર્જાનો પણ સંચાર થાય છે.
ગણેશનું પ્રતિક માનવામાં આવે છે સ્વસ્તિક
સ્વસ્તિકના ચિન્હને ભગવાન શ્રી ગણેશનું પ્રતિક માનવામાં આવે છે. આ સ્વસ્તિકની ચાર ભુજાઓને ગણેશની ચારે ભુજાઓનું પ્રતિક માનવામાં આવે છે. સ્વસ્તિકના ચાર બિંદુ ચાર પુરુષાર્થો, અર્થ, કામ તથા મોક્ષના પ્રતીક છે. ભુજાઓની નજીકની બંને રેખા ગણેશજીની બંને પત્નીઓ જેમ કે રિદ્ધિ અને સિદ્ધિનું પ્રતીક છે અને તેના આગળની બંને રેખાઓ તેના બંને પુત્રો યોગ અને ક્ષેમનું પ્રતિક છે. આમ સ્વસ્તિક ભગવાન ગણેશનો સંપૂર્ણ પરિવારનું પ્રતિક માનવામાં આવે છે. આ ચિન્હ કરવાથી ધ્યાન તથા પુજનથી આપણા જીવન તથા કાર્યોમાં આવતી બાધાઓ દૂર થઇ જાય છે અને જીવન મંગલમય બની જાય છે.
