- 15 વર્ષની આ બાળ કલાકારે ખરીદ્યુ ઘર
- મહેનતની કમાણીથી ખરીદ્યુ નવુ ઘર
- ફોટો શેર કરી જાહેર કરી ખુશી
'યે હૈ મોહોબત્તે'ની રૂહી તમને યાદ જ હશે. કરણ ભલ્લાની દિકરી રૂહી તેણે ઈશિતાની સાથે પોતાના બોન્ડને લઈને ખૂબ જ લાઈમલાઈટ હાસિલ કરી હતી. રૂહીએ પોતાની ક્યૂટનેસના કારણે ફેનું દિલ જીતી લીધુ હતું. એ જ નાનકડી 'રૂહી' ઉર્ફે રૂહાનિકા ધવને તેની ચેક લિસ્ટનું એક મોટું સપનું પૂરું કર્યું છે.
રૂહિએ ખરીદ્યુ ઘર
15 વર્ષની ઉંમરે રૂહાનિકાએ પોતાનું ઘર ખરીદ્યું છે. અભિનેત્રીએ ઘરની તસવીરો સાથે તેના ફેન્સ સાથે આ ખુશખબર શેર કરી છે. ફોટામાં રૂહાનિકા તેના હાથમાં સપનાના ઘરની ચાવી ફ્લોન્ટ કરતી જોવા મળે છે. બાકીની તસવીરોમાં તે તેના પિતા સાથે કાઉચ પર બેસીને પોઝ આપતો જોઈ શકાય છે.
તસ્વીર શેર કરી વ્યક્ત કરી ખુશી
આ તસવીરોની સાથે રૂહાનિકાએ કેપ્શન પણ શેર કર્યું છે. તેણે લખ્યું- "વાહેગુરૂ અને માતા-પિતાની દુવાઓની સાથે હું તમારા બધાની સાથે કંઈક શેર કરવા માંગુ છું. એક નવી શરૂઆત, મારૂ દિલ પ્રેમથી ભરાયેલું છે અને હું ખૂબ જ કૃતજ્ઞ છું. મેં એક મોટુ સપનું પુરૂ કરી દીધુ છે- પોતાના પૈસાથી ઘર ખરીદવાનું સપનું."
રૂહાનિકાએ આગળ લખ્યું, “આ મારા અને મારી જનતા માટે આ એક મોટી વાત છે. હું તમારી સાથે શેર કરવા માટે આતુરતાથી રાહ જોઈ રહી હતી. હું તમામ પ્લેટફોર્મ અને તકોનો આભાર માનું છું જેણે મને આ સપનું પૂરું કરવામાં મદદ કરી છે."
માતા-પિતાનો માન્યો આભાર
રૂહાનિકાએ માતા-પિતાનો આભાર માનતા લખ્યું, “બિલકુલ, મારા માતા-પિતાની મદદ અને માર્ગદર્શન વિના, હું ક્યારેય આ હાંસલ કરી શકી ન હોત. જેમ મેં લખ્યું છે કે તેમને મેળવીને હું ધન્ય છું. હું મારી માતાનો ઉલ્લેખ કરવા માંગુ છું, જે એક જાદુગર છે. તે એક દેશી માતા છે જે પાઈ પાઈ બચાવે છે અને તેને ડબલ કરી દે છે. ફક્ત ભગવાન અને તેણી જ જાણે છે કે તેણે તે કેવી રીતે કર્યું."
રૂહાનિકાએ લોકોને તેમના સપનાને ફોલો કરવાની સલાહ આપી અને કહ્યું, “મારા માટે કોઈ રોક નથી. આ માત્ર શરૂઆત છે. હું પહેલેથી જ મોટા સપના જોઉં છું. હું મારું સપનું પૂરું કરવા સખત મહેનત કરીશ. જો તમે પણ જોશો તો અવશ્ય પૂર્ણ થશે. સ્વપ્ન જુઓ, સપનાને ફોલો કરો અને તે ચોક્કસ સાકાર થશે.
