ભાવનગર જીલ્લામાં વ્યાજખોરોનાં આતંક વધતો જાય છે. વ્યાજનાં વિષચક્રમાં એક વ્યક્તિ ફસાતા પોતાનું વતન છોડવું પડ્યું હતું. આ બાબતે સોનગઢ પોલીસે 11 વ્યાજખોર સામે ગુનો નોંધી તપાસ હાથ ધરી છે.
Share
ભાવનગર જિલ્લામાં વ્યાજ ખોરોનો આતંક
વિષ ચક્રમાં એક વ્યક્તિ ફસાતા પોતાનું વતન છોડવું પડ્યું
સોનગઢ પોલીસ મથકમાં 11 વ્યાજખોર સામે નોંધાયો ગુનો
ભાવનગર જીલ્લામાં વ્યાજખોરોનો આતંક વધી રહ્યો છે. વિષચક્રમાં એક વ્યક્તિ ફસાતા પોતાનું વતન છોડવું પડ્યું હતું. સિહોર તાલુકાનાં સણોસરા ગામનો યુવક વતન છોડવા મજબૂર બન્યો હતો. પશુપાલનનાં વ્યવસાય સાથે સંકળાયેલા વિક્રમ રાઠોડે વતન છોડ્યું હતું. આ બાબતે સોનગઢ પોલીસે 11 વ્યાજખોરો સામે ગુનો નોંધી તપાસ હાથ ધરી છે.
મકાન પણ બળજબરી પૂર્વક લખાવી લીધું હોવાનો આરોપ
સોનગઢ ગામે રહેતા વિક્રમ રાઠોડે 2019 માં પશુઓનાં નિરણ માટે વ્યાજે રૂપિયા લીધા હતા. જે રૂપિયાનું ઊંચા દરે વ્યાજ અને પઠાણી ઉઘરાણી કરવામાં આવતી હતી. તેમજ માથાભારે શખ્શોએ આ વ્યક્તિને ધાક ધમકી આપી માર પણ માર્યોનો આક્ષેપ કર્યો છે. તેમજ મકાન પણ બળજબરી પૂર્વક લખાવી લીધું હોવાનો આરોપ છે. આ બાબતે પોલીસ દ્વારા વ્યાજખોરો સામે કડક કાર્યવાહી કરવામાં આવે તેવી માંગ કરી છે.
એજન્ટો તેમજ વ્યાજખોરો મારા ઘરે આવી ધાક ધમકી પણ આપી રહ્યા છેઃ ભોગ બનનાર
આ બાબતે ભોગ બનનાર વિક્રમ રાઠોડે કહ્યું હતું કે, મારી ફરિયાદની પોલીસ મથકે ઓનલાઈન અરજી કરી હતી. વ્યાજખોરોનાં ત્રાસથી મે ફરિયાદ કરી હતી. ત્રણ વખત હું સોનગઢ પોલીસ મથકે હું જઈ આવ્યો તેમ છતાં પોલીસ દ્વારા કોઈ કાર્યવાહી હાથ ધરવામાં આવી નથી. ત્યારે તા. 12,13,14 તારીખે હું આખો દિવસ પોલીસ મથકે ગયો હતો. આ લોકોનાં ત્રાસનાંકારણે આજે મારો પરિવાર રઝળી રહ્યો છે. મને ન્યાય મળે એવું કંઈ થયું નથી. માનસિક ત્રાસ આપતા એજન્ટો તેમજ વ્યાજખોરો મારા ઘરે આવી ધાક ધમકી પણ આપી રહ્યા છે. એટલે મારી કોઈ સલામતી નથી. જેથી હું સ્થળાંતર કરી રહ્યો છું. એ જવાબદાર સરકાર તમે રહેશો.
