શું વાત છે! / 10 લાખ લોકોને લઇ જવાશે મંગળ ગ્રહ પર! જાણો શું છે એલન મસ્કનો Mars Mission પ્લાન?

• એલન મસ્ક હંમેશા અલગ-અલગ દાવાને કારણે લોકો વચ્ચે ચર્ચામાં રહે છે.
• એલન મસ્કે 10 લાખ લોકોને મંગળ પર લઈ જવા માટે ગેમ પ્લાન વિશે કહ્યું 
• સ્ટારશિપ સૌથી મોટું રોકેટ છે અને તે આપણને મંગળ પર લઈ જશે.

અબજોપતિ એલન મસ્ક હંમેશા કંઇક આશ્ચર્યજનક અને નવું કરવા માટે જાણીતા છે. આ સાથે જ તેઓ તેમના નિવેદન અને અલગ અલગ દાવાને કારણે પણ લોકો વચ્ચે ચર્ચામાં રહે છે. એવામાં હવે મસ્કે રવિવારે 10 લાખ લોકોને મંગળ પર લઈ જવાની યોજના વિશે જાહેરાત કરી હતી. 

આ વિશે વાત કરતાં એલન મસ્કે X પર એક પોસ્ટમાં લખ્યું કે "અમે 10 લાખ લોકોને મંગળ પર લઈ જવા માટે ગેમ પ્લાન તૈયાર કરી રહ્યા છીએ. સ્ટારશિપ અત્યાર સુધીનું સૌથી મોટું રોકેટ છે, જે આપણને મંગળ પર લઈ જશે.'' આ સાથે જ એલન મસ્કે કહ્યું કે એક દિવસ મંગળની સફર સામાન્ય દેશભરની ફ્લાઇટ જેવી હશે. 

વાત એમ છે કે ઈન્ટરનેટ યુઝર દ્વારા મંગળ પર જવા માટે સ્ટારશિપ લોન્ચ કરવા વિશે પૂછવામાં આવ્યું ત્યારે મસ્કે કહ્યું કે સ્ટારશિપ પાંચ વર્ષથી ઓછા સમયમાં ચંદ્ર પર પહોંચી શકશે. સ્ટારશિપ સૌથી મોટું રોકેટ છે અને તે આપણને મંગળ પર લઈ જશે. જો કે મંગળ પર જવા માટે હજુ ઘણું કામ કરવાનું બાકી છે. 

આ ઉપરાંત એલન મસ્કે જાન્યુઆરીમાં જણાવ્યું હતું કે તેઓ અપેક્ષા રાખે છે કે SpaceX આગામી આઠ વર્ષમાં લોકોને ચંદ્ર પર મોકલશે. આ વિશે લખતા એમને કહ્યું કે "હવેથી આઠ વર્ષ પછી વસ્તુઓ કેવી હશે? મને લાગે છે કે આપણે મંગળ પર લેન્ડ કરી ગયા હોઈશું અને મને લાગે છે કે આપણે લોકોને ચંદ્ર પર મોકલ્યા હશે." 

મસ્કે કહ્યું, “આપણે ચંદ્ર પર બેસ બનાવવો જોઈએ અને પછી લોકોને મંગળ પર મોકલવા જોઈએ. કદાચ સ્પેસ સ્ટેશનની બહાર કંઈક છે, આપણે તેના વિશે જોઈશું.'