રવિવાર / અમદાવાદમાં 1,ખેડામાં 1 અને સુરતમાં 2 લોકોના હાર્ટ બંધ પડતાં મોત, ગંભીર બીમારી ન હોવા છતા આવી રહ્યા છે હ્રદય હુમલાઓ, કારણ શું?

• એક દિવસમાં હૃાર્ટએટેકથી 4 લોકોના મોત
• અમદાવાદમાં 1,ખેડામાં 1 અને સુરતમાં 2ના મોત
• ગંભીર બીમારી ન હોવા છતા થયું નિધન

નવરાત્રીના ગરબા રમતા યુવકોએ સાવચેતી રાખીને ગરબા રમવા કારણકે હાલ યુવાનોમાં હાર્ટએટેકનું જોખમ વધી રહ્યું છે. અમદાવાદના હાથીજણમાં ગરબા રમતા યુવકને હાર્ટ એટેક આવ્યો હતો. 28 વર્ષિય રવિ પંચાલ નામનો યુવક ગરમ રમતા સમયે જ અચાનક ઢળી પડ્યો હતો. હાર્ટ એટેક આવતા રવિ પંચાલનું મૃત્યુ નિપજ્યું હતું. 

સુરતમાં 2 વ્યક્તિના હાર્ટ એટેકથી મોત
સુરતમાં સચિન જીઆઈડીસીમાં 2 વ્યક્તિનાં હાર્ટ એટેકથી મોત થતા લોકોમાં ફફડાટ વ્યાપી ગયો હતો. સચિન જીઆઈડીસીમાં 36 વર્ષનાં આબીદાખાતુન નામની મહિલાનું મોત નિપજ્યું હતું. કામરેજનાં 40 વર્ષનાં સુશાંત નામનાં વ્યક્તિનું હાર્ટ એટેકથી મોત  નિપજ્યું હતું. અચાનક છાતીમાં દુખાવો થયા બાદ સુશાંત નામનાં વ્યક્તિનું મોત નિપજ્યું હતું. બંને લોકોને કોઈ ગંભીર બિમારી ન હોવાનું પરિવારજનોએ જણાવ્યું હતુ. અચાનક મોત નિપજતા પરિવાર શોકમાં ગરકાવ થઈ ગયો હતો. પોલીસે બંને મૃતદેહોને પીએમ અર્થે મોકલી તપાસ હાથ ધરી છે.

23 વર્ષીય યુવકના મૃત્યુથી પરિવારજનો શોકમા
ખેડામાં હાર્ટએટેકનાં કારણે વધુ એક યુવકે જીવ ગુમાવ્યો છે. ખેડા જીલ્લાનાં કઠલાલનાં છીપડીમાં રહેતા 23 વર્ષીય યુવકને હાર્ટએટેક આવ્યો હતો. દેવરાજ મનહરસિંહ ઝાલાને સવારે એકાએક છાતીમં દુઃખાવો થયો હતો. જે બાદ પરિવારજનો યુવકને હોસ્પિટલ લઈ ગયા હતા. પરંતું ર્ડાક્ટરે યુવકને મૃત જાહેર કર્યો હતો. 23 વર્ષીય યુવકનાં મૃત્યુથી પરિવારજનોમાં શોકનો માહોલ વ્યાપી ગયો હતો. એક બાદ એક યુવકોનું હાર્ટ એટેકથી મોતની ઘટના સામે આવતા લોકોમાં ફફડાટ વ્યાપી જવા પામ્યો હતો.