એક્શન / ટ્રાફિક નિયમભંગના ઇ-મેમો બાકી હોય તો ભરી દેજો, ગુજરાતનાં આ મોટા શહેરમાં કાયદેસરની કાર્યવાહી કરવાની તૈયારી

• 1.33 કરોડના ઇ-મેમોની વસૂલાત બાકી
• ટ્રાફિક નિયમોનો ભંગ કરનારા નથી ભરતા દંડ
• 13 મે સુધી ઇ-મેમો ભરી દેવા અપાઇ સૂચના

ઇ-મેમો ના ભર્યો હોય તો ગુજરાતીઓ ચેતી જજો. કારણ કે વડોદરામાં 28 હજારથી વધુ વાહન ચાલકોને ઇ-મેમો ભરવાની જાણ કરાઈ છે. વડોદરામાં 13 મે સુધીમાં ઇ-મેમો ભરી દેવા તાકીદ કરવામાં આવી છે. જો કોઈ વાહનચાલક ઇ-મેમો નહીં ભરે તો તેમની સામે કાયદેસરની કાર્યવાહી કરવામાં આવશે. 

ઇ-મેમો નહીં ભરનાર સામે કરાશે કાર્યવાહી
વડોદરામાં 1 કરોડ 33 લાખના ઇ-મેમોની વસૂલાત બાકી છે. શહેરમાં 28 હજારથી વધુ ટ્રાફિક નિયમોનો ભંગ કરનાર વાહન ચાલકોએ દંડ ભર્યો નથી. તેમને ઇ-મેમો ભરવા માટે 13 મે સુધીનો સમય આપવામાં આવ્યો છે. વાહન ચાલકોએ આગામી 13મી તારીખ સુધીમાં બાકી ઇ-મેમા ભરી દેવા તાકીદ કરાઈ છે. જિલ્લા કાનૂની સેવા સત્તા મંડળે પડતર ઇ-મેમો સંદર્ભે નોટિસ ઈશ્યુ કરી છે. ઇ-મેમો નહીં ભરનાર સામે કાયદેસરની કાર્યવાહીની પણ ચીમકી ઉચ્ચારવામાં આવી છે. 

રાજકોટ ટ્રાફિક પોલીસ પણ એક્શનમાં
રાજકોટમાં ટ્રાફિક પોલીસે 1400 વાહન ચાલકોનું લિસ્ટ તૈયાર કર્યું છે. જેમના વાહનને ડિટેઈન કરવાની પણ કોર્ટે મંજૂરી આપી દીદી છે. રાજકોટમાં 4 કે તેથી વધુ ઇ-મેમો હશે તો વાહન ડિટેઇન કરવામાં આવશે. ટ્રાફિક પોલીસ શહેરમાં સ્પેશિયલ ડ્રાઈવ યોજીને વાહન ડિટેઇન કરશે. જે કોઈ દંડની રકમ નહીં ભરે તેમના વાહનો સ્પેશિયલ ડ્રાઈવ કરીને ડિટેઇ થઇ જશે. 

જિલ્લા કાનુની સેવા સતામંડળ મોરબીએ નોટિસો મોકલી
મોરબી જિલ્લા ખાતે ટ્રાફિક નિયમ ભંગ બદલ ઇશ્યૂ કરાયેલ ઇ-ચલણો પૈકી જે વાહનચાલકોએ આજદિન સુધી દંડ ભરપાઇ કરેલ નથી તેવા વાહનચાલકો વિરુદ્ધ જિલ્લા કાનુની સેવા સતામંડળ, મોરબી દ્વારા કોર્ટ નોટિસો કાઢી મોકલી આપવામાં આવેલ છે. ઇ-ચલણોનાં આવા કુલ-1930 કેસ આગામી તા.13/05/2023 ના રોજ યોજાનાર લોકઅદાલતમાં મુકવામાં આવશે.