- શું હાફ સ્લીવ શર્ટ પહેરીને બાઇક ચલાવવા બદલ કપાશે ચલણ?
- હાફ સ્લીવ શર્ટ પહેરીને બાઇક ચલાવવા પર ચલણ કાપવાની કોઈ જોગવાઈ નથી
- કેન્દ્રીય પરિવહન મંત્રીના કાર્યાલયે ટ્વીટ કરીને સ્પષ્ટતા કરી
શું તમને લાગે છે કે તમે ટ્રાફિકના તમામ નિયમોથી સારી રીતે વાકેફ છો? વાસ્તવમાં દરેક વ્યક્તિ માટે એ સંભવ નથી કે તેઓ તમામ નિયમો વિશે સારી રીતે જાણી શકે. આ કારણે ઘણી વખત લોકો ખોટી જાણકારીનો શિકાર બને છે. જ્યારે લોકોની પાસે કોઈ નવી જાણકારી પહોંચે છે ત્યારે તે જાણકારી સાચી છે કે ખોટી તે સંપૂર્ણ ચોકસાઈ સાથે કહી શકાતું નથી. આવી સ્થિતિમાં લોકોએ દરેક નવી જાણકારીનું ક્રોસ વેરિફાઈ કરવું જોઈએ, જેથી કરીને તેમને તે માહિતીની સત્યતા વિશે ખબર પડે. ટ્રાફિક નિયમો સાથે સંબંધિત ઘણી ખોટી જાણકારી પણ લોકોની વચ્ચે છે.
અડધી બાંયનો શર્ટ પહેરીને મોટરસાયકલ ચલાવવા પર ચલણ કાપવાની જોગવાઈ નથી
કેટલાક લોકોને એવું લાગે છે કે હાફ બાંયના શર્ટ પહેરીને મોટરસાઇકલ ચલાવતા લોકોનું ચલણ કાપવાનો નિયમ છે. જ્યારે વાસ્તવમાં એવું નથી. હાલના મોટર વ્હીકલ એક્ટમાં હાફ બાંયનો શર્ટ પહેરીને બાઇક ચલાવવા પર ચલણ કાપવાની કોઈ જોગવાઈ નથી. કેન્દ્રીય પરિવહન મંત્રી નીતિન ગડકરીના કાર્યાલય તરફથી વર્ષ 2019માં ટ્વીટ કરીને પણ આ અંગે સ્પષ્ટતા આપવામાં આવી હતી. નીતિન ગડકરીના કાર્યાલય દ્વારા કરવામાં આવેલા ટ્વીટમાં લખવામાં આવ્યું હતું કે, નવો મોટર વ્હીકલ એક્ટ (જે હાલમાં અમલમાં છે અને 2019માં લાવવામાં આવ્યો હતો) તેમાં અડધી બાંયનો શર્ટ પહેરીને મોટરસાયકલ ચલાવવા પર ચલણ કાપવાની જોગવાઈ નથી.
ટ્રાફિકના નિયમોનું કરો પાલન
ખેર, આ સિવાય અમે સૂચન કરીએ છીએ કે જ્યારે પણ તમે રસ્તા પર કોઈ વાહન લઈને નીકળો તો ટ્રાફિકના નિયમોનું અવશ્ય પાલન કરો. કાર ચલાવતી વખતે સીટ બેલ્ટ અને બાઇક ચલાવતી વખતે હેલ્મેટ પહેરો. આમ કરવાથી તમે તમારી સુરક્ષાને વધુ મજબૂત કરો છો.
