રાજનીતિ / કર્ણાટકમાં CMની રેસમાં રસાકસી વધી, સિદ્ધારમૈયા-DKના સમર્થકોએ દબાણ વધાર્યું, કોનું પલડું ભારે?

• કર્ણાટકમાં કોંગ્રેસની જીત થયા બાદ વધુ એક જંગ છેડાઈ છે
• કોંગ્રેસમાંથી 2 નેતાઓનો CM પદ માટે દાવો
• સિદ્ધારમૈયા અને ડીકે શિવકુમાર આમને-સામને

કર્ણાટકમાં કોંગ્રેસ બહુમતથી જીતી ગઈ છે પરંતુ રાજનૈતિક જંગ હજુ સમાપ્ત થઈ હોય તેવું લાગી રહ્યું નથી. કોંગ્રેસની જીત બાદ હવે CMનાં ચહેરા માટેની નવી રેસ શરૂ થઈ હોય તેવું લાગી રહ્યું છે. CMનાં પદ માટે 2 લોકો દાવાઓ કરી રહ્યાં છે. જો કે કર્ણાટકમાં કોંગ્રેસમાં સિદ્ધારમૈયા અને ડીકે શિવકુમારની લડાઈ ઘણી જૂની છે. 

#WATCH | Supporters of senior Congress leader Siddaramaiah put up a poster outside Siddaramaiah's residence in Bengaluru, referring to him as "the next CM of Karnataka." pic.twitter.com/GDLIAQFbjs

— ANI (@ANI) May 14, 2023

ભારત જોડો યાત્રા દરમિયાન રાહુલ ગાંધીએ બંને નેતાઓને સમજાવ્યાં હતાં અને રેલીમાં સાથે ચાલવા માટે પણ રાજી કર્યાં હતાં પરંતુ હાલમાં બંને એકબીજાને આમને-સામને હોય તેવું લાગી રહ્યું છે. સિદ્ધારમૈયા પાર્ટીનાં સીનિયર લીડર અને પૂર્વ મુખ્યમંત્રી પણ છે જ્યારે શિવકુમાર પાર્ટીનાં અધ્યક્ષ છે અને સંકટ મોચક તરીકે ઓળખાય છે.

સિદ્ધારમૈયાનાં CM હોવાનો ફાયદો
CM પદનો ઈતિહાસ જણાવે છે કે કુરબા સમુદાયનો મજબૂત આધાર રાહુલ ગાંધી પર ઘણો વિશ્વાસ ધરાવે છે. સિદ્ધારમૈયા કુરબા હોવાને લીધે જો તેઓ CM બને છે અને સારી યોજનાઓ લાવે છે તો રાહુલ ગાંધીને તેનો ફાયદો 2024 લોકસભામાં થઈ શકે છે.

#WATCH | Karnataka Congress President DK Shivakumar's supporters put up a poster outside his residence in Bengaluru, demanding DK Shivakumar to be declared as "CM" of the state. pic.twitter.com/N6hFXSntJy

— ANI (@ANI) May 14, 2023

ડીકે શિવકુમારનાં CM હોવાના ફાયદા
સંગઠન પર મજબૂત પકડ વોક્કાલિગા સમુદાય પર છે અને આ સમુદાયનો મજબૂત આધાર રાજ્યમાં પાર્ટીનાં આધારને વધુ મજબૂત બનાવવામાં કામ આવી શકે છે.

બંને નેતાઓનાં માઈનસ પોઈન્ટ્સ
સિદ્ધારમૈયાની ઉંમર 75 વર્ષની છએ. એટલે કે જો તે આવતાં 5 વર્ષ માટે CM બને છે તો તેમની ઉંમર 80 થઈ જશે અને તે ઉંમરમાં વધુ કામ થઈ શકે નહીં. આવતાં વર્ષે લોકસભા ચૂંટણી છે અને હાલનો માહોલ જોઈને કોઈ રિસ્ક પાર્ટી લઈ ન શકે. શિવકુમાર સાથે એ સમસ્યા હોઈ શકે છે કે તપાસ એજન્સીઓની નજર તેમના પર છે. એજન્સી શિવકુમારથી નેશનલ હેરાલ્ડ અને યંગ ઈન્ડિયા પ્રાઈવેટ લિમિટેડ અંગે અનેકવખત પૂછપરછ કરી ચૂકી છે.

#WATCH | In every party, ambitions will be there. Not only DK Shivakumar and Siddaramaiah even MB Patil and G Parameshwara are also interested. Only one will become CM & the party's high command & MLAs will decide that. I will get minister (post): Ramalinga Reddy, Karnataka… pic.twitter.com/uYlUc3cgb4

— ANI (@ANI) May 14, 2023

કોંગ્રેસ આંતરિક મતભેદોને કારણે કરે છે પોતાનું નુક્સાન
કેન્દ્રની સત્તા હાથમાંથી ગયાં બાદ રાજ્યની સીટને લઈને કોંગ્રેસમાં આંતરિક વિવાદો સતત થતાં રહ્યાં છે જેના લીધે નુક્સાન પણ ભોગવવું પડ્યું છે. તે પછી રાજસ્થાન ગેહલોત vs પાયલટ હોય કે પછી મધ્યપ્રદેશમાં કમલનાથ vs જ્યોતિરાદિત્ય સિંધિયા. છત્તીસગઢ અને પંજાબમાં પણ કંઈક આવી જ સ્થિતિ જોવા મલી હતી.