- દિલ્હી-મુરાદાબાદ હાઈવે પરની ઘટના
- બાઇક ચલાવતા યુવાને યુવતીને ચાલતી બાઇકની ટાંકી પર બેસાડીને રોમાન્સ શરૂ કર્યો
- મામલો પોલીસ સુધી પહોંચતા 8 હજારનો દંડ ફટકારાયો
સોશિયલ મીડિયાના આ જમાનામાં તમારી પાસે દરરોજ નવાનવા વીડિયો સામે આવતા હોય છે. તેમાં પણ અકસ્માતની અનેક ઘટનાઓ સામે આવતી હોવા છતાં અમુક યુવાનો સુધરવાનું નામ જ લેતા નથી. તેની બેજવાબદારીભર્યું વલણ માત્ર તેના જીવનને જ નહિ અન્યના જીવને પણ જોખમમાં મૂકે છે. આવો જ એક કિસ્સો યુપીના હાપુડ જિલ્લામાંથી સામે આવ્યો છે, જ્યાં પતિએ પત્નીને બાઇકની ટાંકી પર ફરવા લઇ જવુ ભારે પાડ્યું છે.
દિલ્હી-મુરાદાબાદ હાઈવે પરની આ ઘટના છે અહીં નવવિવાહિત કપલ ટ્રાફિકના નિયમોનું ઉલ્લંઘન કરી બાઇક ચલાવતું દેખાયું હતું. બાઇક ચલાવતા યુવાને યુવતીને ચાલતી બાઇકની ટાંકી પર બેસાડીને રોમાન્સ કરવાનું શરૂ કર્યું હતું. જાણવા એવું મળી રહ્યું છે કે કપલના લગ્ન 3-4 દિવસ પહેલા જ થયા હતા અને બંને મુરાદાબાદના રહેવાસી છે. આમ ભરબજારે જોખમી સોમાન્સનો વીડિયો સોશિયલ મીડિયા પર વાયરલ થયો.
બાદમાં પોલીસ સતર્ક મોડમાં આવી ગઈ હતી અને પોલીસ દ્વારા બાઇક માટે 8000 રૂપિયાનું ચલણ ફટકારાયું હતું. હાપુર પોલીસે સોશિયલ મીડિયા પ્લેટફોર્મ પર જણાવ્યું હતું હાપુર પોલીસે આ બાબતની તાત્કાલિક નોંધ હોવાનો દાવો કર્યો હતો. આમ રૂ.8 હજારનું ચલણ જારી કર્યા અંગે પોલીસે એક્સ પર પોસ્ટ પણ કરી હતી.
