આ દિવસોમાં જામનગરમાં મુકેશ અંબાણીના પુત્ર અનંત અંબાણીની પ્રી-વેડિંગ સેરેમની ચાલી રહી છે. છેલ્લા બે દિવસથી આ સેરેમનીના ઘણા ફોટો અને વિડીયો વાયરલ થઈ રહ્યા છે. આ દરમિયાન એક વીડિયો વાયરલ થઈ રહ્યો છે જેમાં મેટાના સીઈઓ માર્ક ઝકરબર્ગ અનંત અંબાણીની ઘડિયાળ જોઈને આશ્ચર્યચકિત રહી ગયા હતા.
આ વાયરલ થયેલ વિડીયોમાં જોઈ શકાય છે કે અનંત અંબાણી, આકાશ અંબાણી અને ફેસબુકના માલિક માર્ક ઝકરબર્ગ તેમની પત્ની સાથે ઊભેલા જોવા મળ્યા હતા. માર્ક અને તેની પત્ની પ્રિસલા અનંત અંબાણી સાથે વાત કરતા હતા એ સમયે પ્રિસલાની નજર અનંતના હાથમાં પહેરેલ ઘડિયાળ પર પડી હતી.
વીડિયો જોઈને લાગે છે કે અનંતની ઘડિયાળ જોઈને માર્ક ખૂબ જ પ્રભાવિત થયો છે. માત્ર ઝકરબર્ગ જ નહીં પરંતુ તેની પત્ની પ્રિસિલા ચાન પણ આ ઘડિયાળને ધ્યાનથી જોઈ રહી હતી. સાથે આ ઘડિયાળ વિશે અનંત સાથે વાતો કરી રહી હતી.
રિપોર્ટ અનુસાર અનંત અંબાણીની જે ઘડિયાળ જોઈને પ્રિસલા આશ્ચર્યચકિત થઈ ગઈ હતી તે 'પાટેક ફિલિપ'ની 'ગ્રાન્ડમાસ્ટર ચાઈમ' ઘડિયાળ છે. આ કાંડા ઘડિયાળની કિંમત 14 થી 18 કરોડ રૂપિયા છે.
વધુ વાંચો: અનંત-રાધિકાએ પ્રી-વેડિંગ પાર્ટીમાં 'તેરે-મેરે પ્યાર કે ચર્ચે' ગીત પર કર્યો કપલ ડાન્સ, VIDEO વાયરલ
હાલ સોશિયલ મીડિયા પર અનંત અંબાણીની ઘડિયાળ જોઈને પ્રિસલાએ જે રીએક્શન આપ્યા તેનો વિડીયો વાયરલ થઈ રહ્યો છે અને સાથે જ ઘણા મીમ્સ પણ બની રહ્યા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
