UPSC Annual Exam / UPSCએ જાહેર કર્યું 2024નું વાર્ષિક કેલેન્ડર, જુઓ કઇ તારીખે કયું પેપર, આ રહ્યું શિડ્યુલ

• UPSC એ વર્ષ 2024 માટે વાર્ષિક કેલેન્ડર બહાર પાડ્યું 
• upsc.gov.in પર જઈને વાર્ષિક કેલેન્ડર જોઈ શકાશે
• કેલેન્ડર દ્વારા તમે વિવિધ પરીક્ષાની તારીખ ચકાસી શકશો

યુનિયન પબ્લિક સર્વિસ કમિશન (UPSC) એ વર્ષ 2024 માટે કામચલાઉ વાર્ષિક કેલેન્ડર (UPSC વાર્ષિક કેલેન્ડર 2024) બહાર પાડ્યું છે. UPSC વાર્ષિક કેલેન્ડર 2024 મુજબ સિવિલ સર્વિસીસ પ્રિલિમ્સ પરીક્ષા (CSE) 2024 અને ઇન્ડિયન ફોરેસ્ટ સર્વિસ પ્રિલિમ્સ પરીક્ષા (IFS) 2024 26 મે, 2024ના રોજ લેવામાં આવશે. UPSC સંબંધિત નોકરીની તૈયારી કરી રહેલા ઉમેદવારો સત્તાવાર વેબસાઇટ upsc.gov.in પર જઈને વાર્ષિક કેલેન્ડર જોઈ શકે છે.

UPSC 2024 Annual Calendar Released
Prelims Exam 👉 26 May 2024
Mains Exam 👉 20 September 2024#UPSC2024 #Upsc pic.twitter.com/ho4csbmJyA

— Upsc Civil Services Exam (@UpscforAll) May 10, 2023

વિવિધ પરીક્ષાની તારીખ ચકાસો

આ ઉપરાંત ઉમેદવારો https://www.upsc.gov.in/content/annual આ લિંક પર ક્લિક કરીને સીધા UPSC વાર્ષિક કેલેન્ડર 2024 પણ જોઈ શકે છે. કમિશને નેશનલ ડિફેન્સ એકેડમી (NDA) અને કમ્બાઈન્ડ ડિફેન્સ સર્વિસિસ (CDS) 1 ની પરીક્ષા 21 એપ્રિલ માટે શેડ્યૂલ કરી છે. એનડીએ અને સીડીએસ 2ની પરીક્ષા 1લી સપ્ટેમ્બરે લેવામાં આવશે. અને UPSC CSE MAINS ની પરીક્ષા 20 સપ્ટેમ્બરે લેવામાં આવશે.

વધુ માહિતી માટે સત્તાવાર વેબસાઇટ જોઈ શકો

UPSC રિક્રુટમેન્ટ ટેસ્ટ (RT) 13 જાન્યુઆરી, 24 ફેબ્રુઆરી, 24 માર્ચ, 9 માર્ચ, 6 જુલાઈ, 10 ઓગસ્ટ, 19 ઓક્ટોબર અને 21 ડિસેમ્બર માટે નક્કી કરવામાં આવી છે. UPSC એન્જિનિયરિંગ સર્વિસીસ પ્રિલિમ્સ પરીક્ષા (ESE PRELIMS) 2024 18 ફેબ્રુઆરીએ અને UPSC ESE MAINS પરીક્ષા 23 જૂને લેવામાં આવશે. સંયુક્ત તબીબી સેવાઓ (CMS) પરીક્ષા 2024 14મી જુલાઈના રોજ યોજાનાર છે. UPSC CAPF ACS 2024 4 ઓગસ્ટે હાથ ધરવામાં આવશે. આયોગે માહિતી આપી છે કે આ પરીક્ષાઓની સૂચના, નોંધણી અને પ્રારંભની તારીખો બદલાઈ શકે છે. આ ઉપરાંત ઉમેદવારો આને લગતી વધુ માહિતી માટે સત્તાવાર વેબસાઇટ જોઈ શકે છે.