- એજન્સીઓ મારી વિરૂદ્ધ જુબાની આપવા માટે લોકોને ત્રાસ આપી રહી છેઃ કેજરીવાલ
- કેજરીવાલે લાઈવ ડીટેક્ટ ટેસ્ટ કરાવવો જોઈએઃ ગૌરવ ભાટિયા
- 16 એપ્રિલે સવારે કેઝરીવાલને CBI ઓફિસ હાજર થવાનું ફરમાન
CBI ના સમન્સને લઈને દિલ્હીના મુખ્યમંત્રી અરવિંદ કેજરીવાલ ગુસ્સે છે. સેન્ટ્રલ ઇન્વેસ્ટિગેશન એજન્સીએ દિલ્હીની એક્સાઇઝ પોલિસી સંબંધિત કેસમાં હાજર થવા માટે બોલાવ્યા છે. દિલ્હીના સીએમ શનિવારે મીડિયા સમક્ષ હાજર થયા હતા. તેમણે આરોપ લગાવ્યો કે એક્સાઈઝ પોલિસી કેસમાં સીબીઆઈ, ઈડીએ કોર્ટમાં ખોટા સોગંદનામા દાખલ કર્યા. કેજરીવાલે દાવો કર્યો હતો કે કેન્દ્રીય તપાસ એજન્સીઓ "મનીષ સિસોદિયા અને મારી વિરુદ્ધ જુબાની આપવા માટે લોકોને ત્રાસ આપી રહી છે". કેજરીવાલે કહ્યું કે તેઓ CBI અને EDના અધિકારીઓ વિરુદ્ધ કેસ દાખલ કરશે. કેન્દ્રીય કાયદા મંત્રી કિરેન રિજિજુએ આ અંગે ઝાટકણી કાઢી છે. રિજિજુએ ટ્વીટ કર્યું કે 'એ જણાવવાનું ભૂલી ગયા કે જો માનનીય કોર્ટ તમને દોષિત ઠેરવે છે, તો તમે કોર્ટ સામે પણ કેસ દાખલ કરશો. કાયદાએ તેનું કામ કરવું જોઈએ અને આપણને કાયદાના શાસનમાં વિશ્વાસ રાખવો જોઈએ.
લાઈવ ડીટેક્ટ ટેસ્ટ કરાવવો જોઈએઃ ગૌરવ ભાટિયા
કેજરીવાલની પ્રેસ કોન્ફરન્સ પહેલા ભાજપે પણ પોતાનો મોરચો ખોલ્યો હતો. ભાજપના રાષ્ટ્રીય પ્રવક્તા ગૌરવ ભાટિયાએ દાવો કર્યો હતો કે સીબીઆઈ દ્વારા સમન્સ મોકલવામાં આવ્યા બાદ અરવિંદ કેજરીવાલ ડરથી ધ્રૂજી રહ્યા છે. પાર્ટીએ કહ્યું કે જો ડરવાનું કંઈ નથી, તો તેણે 'લાઈવ ડીટેક્ટર ટેસ્ટ' કરાવવો જોઈએ. ભાટિયાએ કહ્યું કે આ સમય નિવેદનબાજીનો નથી, પરંતુ જવાબ આપવાનો છે. ભાટિયાએ કહ્યું કે હાથકડીઓ કેજરીવાલ સુધી પહોંચી રહી છે અને તેઓ ડરી ગયા છે અને ડરથી ધ્રૂજી રહ્યા છે.
16 એપ્રિલે સવારે કેઝરીવાલને સીબીઆઈ ઓફિસ બોલાવવામાં આવ્યા
સીબીઆઈએ અરવિંદ કેજરીવાલને દારૂ નીતિ કેસમાં પૂછપરછ માટે નોટિસ પાઠવી છે. તેમને 16 એપ્રિલે સવારે 11 વાગે સીબીઆઈ ઓફિસ બોલાવવામાં આવ્યા છે. સીબીઆઈના સૂત્રોનું કહેવું છે કે દારૂની નીતિમાં કથિત ગેરરીતિઓ સંબંધિત આ કેસમાં દિલ્હીના સીએમની પૂછપરછ કરવામાં આવશે. EDએ હાલમાં જ મુખ્યમંત્રીના પીએની પણ પૂછપરછ કરી છે. CBI આ કેસમાં 26 ફેબ્રુઆરીએ દિલ્હીના પૂર્વ ડેપ્યુટી સીએમ મનીષ સિસોદિયાની ધરપકડ કરી ચૂકી છે.
