Budget 2020 / બજેટના વખાણ કરતા PM મોદીએ કહ્યું- દેશની અર્થવ્યવસ્થા મજબૂત થશે, યુવાનો-ખેડૂતોને લાભ

Hiren

Last Updated: 05:31 PM, 1 February 2020

FOLLOW ON

શેર કરો

નાણામંત્રી નિર્મલા સીતારમણે શનિવારે અત્યાર સુધીનુ સૌથી લાંબુ બજેટ ભાષણ આપ્યું હતું. અંદાજિત પોણા ત્રણ કલાક ભાષણમાં નિર્મલાએ કેટલીક નવી યોજનાઓનું એલાન કર્યું છે, સાથે જ તેમણે ટેક્સ સ્લેબમાં મોટા ફેરફારની વાત કરી. સામાન્ય બજેટ રજૂ થયા બાદ પ્રધાનમંત્રી નરેન્દ્ર મોદીએ દેશને સંબોધિત કર્યો. તેમણે કહ્યું કે આ દાયકા પહેલા બજેટ માટે, જેમાં વિઝન પણ છે, એક્શન પણ છે, નાણામંત્રી નિર્મલા સીતારમણ અને તેમની ટીમને ખુબ-ખુબ શુભેચ્છા આપું છું.

નાણામંત્રી નિર્મલા સીતારમણે રજૂ કર્યું બજેટ
અર્થવ્યવસ્થાનો પાયો મજબૂત કરવાનું કામ કરશેઃ PM
નિર્મલાએ ટેક્સ સ્લેબમાં મોટી રાહત આપી

બજેટ બાદ પીએમ મોદીએ દેશને સંબોધિત કર્યો હતો. જેમાં તેમણે કહ્યું કે, આ દાયકા પહેલા બજેટ માટે, જેમાં વિઝન પણ છે, એક્શન પણ છે, નાણામંત્રી નિર્મલા સીતારમણ અને તેમની ટીમને ખુબ-ખુબ શુભેચ્છા આપું છું.

બજેટ મુદ્દે પીએમ મોદીએ પ્રતિક્રિયા આપતા કહ્યું કે, સરકારનું લક્ષ્ય ખેડૂતોની આવક બમણી કરવાનું છે. યુવાનો માટે રોજગારીની નવી તકો ઉભી થશે, ગ્રામ્ય ક્ષેત્રોમાં રોજગારી વધશે. પીએમ મોદીએ બજેટના વખાણ કર્યા છે. પીએમએ કહ્યું કે, બજેટમાં 16 એક્શન પોઇન્ટ છે. મેક ઇન ઇન્ડિયાને પ્રોત્સાહન અપાયું છે. આર્થિક સુધાર માટે નવા પગલા ઉઠાવાયા છે.

અર્થવ્યવસ્થાનો પાયોનો મજબૂત કરવાનું કામ કરશેઃ PM

બજેટમાં જે નવા રીફૉર્મ્સનું એલાન કરવામાં આવ્યું છે તે આપણી અર્થવ્યવસ્થાને ગતિ આપનાર, દેશના પ્રત્યેક નાગરીકોને આર્થિક રીતે સશ્ક્ત બનાવવા અને આ દાયકામાં અર્થવ્યવસ્થાનો પાયો મજબૂત કરવાનું કામ કરશે. આ બજેટથી દેશની અર્થવ્યવસ્થા મજબૂત થશે, અર્થવ્યવસ્થાને ગતિ મળશે.

સંકળાયેલા મુદ્દાઓ

PM modi budget 2020 પીએ મોદી બજેટ 2020 Budget 2020