• Home
  • Sports
  • Cricket
  • under 19 women t20 world cup champions felicitated by sachin tendulkar bcci jay shah

ક્રિકેટ / મોદી સ્ટેડિયમમાં મહિલા ક્રિકેટ ટીમનું ખાસ સન્માન: 'ક્રિકેટના ભગવાન' તેંડુલકરે કર્યું સેલ્યુટ, જુઓ ઐતિહાસિક ક્ષણ

Team VTV 11:58 AM, 02 Feb 23
under 19 women t20 world cup champions felicitated by sachin tendulkar bcci jay shah

સાઉથ આફ્રીકામાં અંડર 19 ટી20 વર્લ્ડ કપને જીતીને વર્લ્ડ ચેમ્પિયન બનાવનારી ભારતીય મહિલા ટીમનુ અમદાવાદના નરેન્દ્ર મોદી સ્ટેડિયમમાં માસ્ટર બ્લાસ્ટર સચિન તેંડુલકરે સન્માન કર્યુ.

  • સચિન તેંડુલકરે વર્લ્ડ ચેમ્પિયન બનનારી ભારતીય મહિલા ટીમનુ કર્યુ સન્માન
  • ભારત-ન્યુઝીલેન્ડની ત્રીજી ટી20 મેચ શરૂ થતા પહેલા કર્યુ સન્માન
  • આ સિદ્ધીથી મહિલા ખેલાડીઓ પ્રોત્સાહિત થશે: સચિન તેંડુલકર

સચિન તેંડુલકરે ભારતીય મહિલા ટીમનુ કર્યુ સન્માન 

ભારતીય ટીમે 2007માં સાઉથ આફ્રિકામાં રમાયેલ ટી20 વર્લ્ડ કપની પહેલી એડિશનને મહેન્દ્ર સિંહ ધોનીની કેપ્ટનશિપમાં જીત્યો હતો. બરોબર આ રીતે 16 વર્ષ બાદ સાઉથ આફ્રિકાની આ જમીન પર મહિલા અંડર-19 વર્લ્ડ કપની પહેલી એડિશન રમાઈ. આ ગ્લોબલ ટુર્નામેન્ટને ભારતીય ટીમે શેફાલી વર્માની કેપ્ટનશિપમાં જીતીને એક વખત ફરીથી ઈતિહાસ રચી દીધો. ભારતીય ક્રિકેટ કંટ્રોલ બોર્ડે શેફાલી વર્માની સિંહણોનુ ભારત-ન્યુઝીલેન્ડની ત્રીજી ટી20 મેચ શરૂ થતા પહેલા સન્માન કર્યુ. 

સચિને અંડર-19 મહિલા ટીમને જણાવી નવા સપનોની જનની

વિશ્વના મહાન બેટર મનાતા સચિન તેંડુલકરે અંડર-19 મહિલા ટી20 વર્લ્ડ કપની વિજેતા ભારતીય ક્રિકેટ ટીમનુ સન્માન કરતા કહ્યું કે આ સિદ્ધીથી ઘણી મહિલા ખેલાડીઓ રમતને અપનાવવા અને સપનાને સાકાર કરવા માટે પ્રોત્સાહિત થશે. તેંડુલકરે આ સન્માન સમારોહમાં કહ્યું, હું તમને શાનદાર સિદ્ધી પર શુભેચ્છા આપવા માંગુ છુ. આખો દેશ આગામી વર્ષોમાં આ જીતની ઉજવણી કરશે. 

સચિન તેંડુલકરે જણાવ્યો પોતાનો અનુભવ

સચિન તેંડુલકરે કહ્યું, મારા ક્રિકેટ સપનાની શરૂઆત ભારતીય ટીમના 1983માં વિશ્વ કપ વિજેતા બનવાથી શરૂ થઇ હતી. તમે પણ ઘણા નવા સપનાને જન્મ આપ્યો છે. આ સારી સિદ્ધી છે. તેમણે કહ્યું, આ વિશ્વ કપને જીતીને તમે ભારતની યુવા ખેલાડીઓને દેશનુ પ્રતિનિધિત્વ કરવાનુ સપનુ આપ્યું છે. 

under 19 world cup Shafali Verma Sachin Tendulkar BCCI

ટૉપ સ્ટોરીઝ

સૌથી વધુ વંચાયેલ

બ્રેકિંગ ન્યૂઝ