- પોલીસને મળી આવી અસદની COLT પિસ્તોલ
- અસદે આ પિસ્તોલનો વીડિયો કર્યો હતો શેર
- શંકા છે કે આ પિસ્તોલથી ઉમેશપાલનું કરવામાં આવ્યું હતું મર્ડર
ઉમેશપાલ હત્યાકાંડને લઈને પોલીસ તપાસમાં અનેક નવાં ખુલાસાઓ આવી રહ્યાં છે. પોલીસ સૂત્રો અનુસાર આરોપીઓએ જે પિસ્તોલનો ઉપયોગ કર્યો હતો તેના પર અમેરિકન આર્મી લખેલું છે. Colt 1911ની પિસ્તોલથી જ આરોપીઓએ ઉમેશ પર ફાયરિંગ કરી હતી. આ હુમલામાં ઉમેશપાલની ઘટનાસ્થળ પર જ મોત થઈ ગઈ હતી.
અસદે પિસ્તોલનો વીડિયો સ્નેપચેટ પર કર્યો હતો શેર
પોલીસને ખબર પડી કે બેરેટા પિસ્તોલ અતીકે પોતાના દીકરા અસદને આપી હતી જે હજુ પણ મિસિંગ છે. આ સિવાય 10 લાખ રૂપિયાની કિંમત ધરાવતી COLT PISTAL પણ આપી હતી. અસદે આ તમામ પિસ્તોલનો એક વીડિયો બનાવ્યો હતો જેને તેણે પોતાના સ્નેપચેટ પર પોસ્ટ કર્યો હતો. માહિતી અનુસાર પોલીસને જે COLT પિસ્તોલ અને મેગેઝીન મળી આવી છે તે સંભવત: એ જ COLT પિસ્તોલ અને મેગેઝીન છે જે વીડિયોમાં દેખાઈ રહી છે.
વિશ્વ યુદ્ધ દરમિયાન અમેરિકી સેના ઉપયોગ કરતી COLT
COLT PISTALનાં ઈતિહાસની જો આપણે વાત કરીએ તો US આર્મીએ તેના ઓરિજનલ મોડલને વર્ષ 1911માં એડોપ્ટ કર્યું હતું. પછી તેમાં અનેક સુધારા થયા બાદ વર્ષ 1940માં ઓટોમેટિક પિસ્તોલની જેમ અમેરિકન સેના તેનો ઉપયોગ કરવા લાગી હતી. એટલું જ નહીં અમેરિકન સેનાએ COLTનો ઉપયોગ પ્રથમ અને દ્વિતીય વિશ્વયુદ્ધમાં પણ કર્યો હતો. અત્રે ઉલ્લેખનિય છે કે આ પિસ્તોલને વર્ષ 1890ની આસપાસ બનાવવામાં આવ્યું હતું ત્યારે તે સેમી ઓટોમેટિક એટલે કે સેલ્ફ લોડિંગની જેમ હતી.
આ રીતે ઉમેશપાલની થઈ હત્યા
ઉમેશપાલ બસપા નેતા રાજૂપાલની હત્યાનાં મુખ્ય સાક્ષી હતાં. રાજૂપાલ મર્ડરનો આરોપ અતીક અહમદ અને તેના જૂથ પર લાગ્યો હતો. અતીક ઈચ્છતો હતો કે કોઈપણ રીતે ઉમેશપાલ કોર્ટમાં નિવેદન ન આપે. તે માટે અતીકે ઉમેશપાલનું કિડનેપિંગ કરાવ્યું અને તેના પણ ઘણાં અત્યાચાર કર્યાં. પરંતુ ઉમેશપાલ પોતાનાં ઈરાદા પર અડગ રહ્યો. ઉમેશપાલે પોતાના કિડનેપિંગ કેસમાં પણ અતીક, અશરફ અને અન્યોને આરોપી ઠેરવ્યું હતું. કોર્ટની સુનાવણી પૂર્ણ થઈ ગઈ હતી અને નિર્ણય આવવાનો બાકી હતો એ વચ્ચે ઉમેશની હત્યા કરી દેવામાં આવી હતી.
