રાજકોટ / 'પાટીદાર પ્રભુત્વ ધરાવતી બેઠકો પર પાટીદારોને જ ટિકિટ આપવામાં આવે', નરેશ પટેલનું સૂચક નિવેદન

• ખોડલધામ ચેરમેન નરેશ પટેલનું નિવેદન
• પાટીદાર પ્રભુત્વ ધરાવતી બેઠકો પર પાટીદારોને જ ટિકિટ આપવામાં આવે
• સુરતમાં મનોજ સોરઠીયા પર હુમલો નિંદનીય 

ગુજરાત વિધાનસભાની ચૂંટણી આડે હવે ગણતરીના મહિનાઑ બાકી રહ્યા છે. ત્યારે રાજકીય પક્ષો દ્વારા જોરશોરથી તૈયારી કરવામાં આવી રહી છે. આગામી ચૂંટણીમાં આપની એન્ટ્રીથી ચૂંટણીમાં રસાકસીભર્યો જંગ ખેલાશે. તેવામાં ખોડલધામ ચેરમેન નરેશ પટેલનું નિવેદન સામે આવ્યું છે. જેમાં તેમણે જણાવ્યું કે, પાટીદાર પ્રભુત્વ ધરાવતી બેઠકો પર પાટીદારો આજ દિવસ ટિકિટ મળતી આવી છે અને ભવિષ્યમાં પણ મળશે. તેવો નરેશ પટેલે આશાવાદ વ્યકત કર્યો હતો.

 
વર્ચસ્વ મુજબ ટીકીટ અને હોદ્દો મળવો જોઇએ 
નો રિપીટ થીયરીમાં અમુક પાટીદાર મંત્રીઑની ટિકિટ કપાઈ તેવા સવાલના જવાબમાં ચેરમેન નરેશ પટેલે જણાવ્યું હતું કે, એ કોઈ પણ પક્ષની અંગત વાત છે. પાટીદાર સમાજ જ નહીં પરતું દરેક સમાજને પોતાના અધિકાર અને વર્ચસ્વ મુજબ ટીકીટ અને હોદ્દો મળવો જોઇએ તેવું પોતાનું માનવું હોવાનું નરેશ પટેલે ઉમેર્યું હતું.

મનોજ સોરઠીયા પર હુમલો દુ:ખદ ઘટના
સુરતમાં આપ નેતા અને પ્રદેશ મહામંત્રી મનોજ સોરઠીયા પર જીવલેણ હુમલો થયો હતો.  આરોપીઑ મનોજ સોરઠીયા પર હથિયારો વડે તુંટી પડતાં તેને માથા સહિતના ભાગે   ઈજાઓ પહોંચી  હતી. આ મામલે ખોડલધામ ચેરમેન નરેશ પટેલે જણાવ્યું  હતુ કે આ ઘટના નીંદનીય છે. ચૂંટણી નજીક આવી છે ત્યારે આ પ્રકારે હુમલાઓ યોગ્ય ન હોવાનું નરેશ  પટેલે ઉમેર્યું હતું.