હવામાન નિષ્ણાંત અંબાલાલ પટેલે આગાહી કરી છે કે, ઉત્તરના પવનોના કારણે ઠંડી વધશે તેમજ બર્ફીલા પવનોના કારણે જાન્યુઆરીમાં ઠંડી પડશે. વધુમાં કહ્યું કે, ઉત્તર ભારતના પર્વતીય પ્રદેશોમાં ભારે હિમ વર્ષા થશે અને ઉત્તર ભારતના રાજ્યોમાં કમોસમી વરસાદ થઈ શકે છે. તેમણે ઉમેર્યું હતું કે, અરબ સાગરમાં બની રહેલી સીસ્ટમના કારણે કમોસમી વરસાદ વરસી શકે છે. 29 ડિસેમ્બરથી હવાનું હળવું દબાણ ઉભુ થશે જેને લઈ ગુજરાતના ઉત્તર પૂર્વીય ભાગો તથા કચ્છમાં કમોસમી વરસાદ સંભવાના છે. દક્ષિણ ગુજરાત અને દક્ષિણ સૌરાષ્ટ્રમાં કમોસમી વરસાદ સંભવના છે.
અમદાવાદમાં કાંકરીયા કાર્નિવલનો મુખ્યમંત્રી ભૂપેન્દ્ર પટેલે પ્રારંભ કરાવ્યો હતો. તેમજ સીએમનાં હસ્તે 216 કરોડનાં કાર્યોનાં ઈ લોકાર્પણ અના ખાતમૂર્હત કર્યા હતા. 14 કરોડનાં ખર્ચે રી ડેવલપમેન્ટ કરેલ 114 આવાસ તથા દુકાનનો ડ્રો કરવામાં આવ્યો હતો. લાભાર્થીઓને ઘરની ચાવી આપવામાં આવી હતી. એઈડ્સની માહિતી માટેની ડિઝીટલ બુકનું વિમોચન કરાયું હતું.
ગુજરાત સરકારે ગાંધીનગરમાં આવેલી ગિફ્ટ સિટીમાં દારુની છૂટ આપી છે એટલે ત્યાં કામ કરતા લોકો ત્યાં બેસીને દારુ પી શકશે. જોકે ગિફ્ટ સિટીની દારુની છૂટને કારણે અમદાવાદ અને ગાંધીનગરમાં રહેતો લોકોને પણ એક મોટો લાભ થવાનો છે. ગિફ્ટ સિટીમાં પ્રોહિબિશનની આપવામાં આવેલી છૂટછાટના પગલે માત્ર ગિફ્ટ સિટી નહી પણ ગાંધીનગર અને અમદાવાદના રિયલ એસ્ટેટની માંગમાં પણ ઉછાળો આવવાની આ ક્ષેત્રના નિષ્ણાંતો ધારણા વ્યક્ત કરી રહ્યા છે. નિષ્ણાંતોના મતે 10 થી 15 ટકા ભાવ ઉંચા જવાની શક્યતા છે.
રણોઉત્સવમાં આવતા પ્રવાસીઓ રણોત્સવનો આકાશી નજારો માણી શકે તે માટે પ્રવાસન વિભાગ દ્વારા તા. 27 ડિસેમ્બરથી હેલિકોપ્ટર સર્વિસની શરૂઆત કરવામાં આવનાર છે. જેનું બુકિંગ સોમવારથી શરૂ કરી દેવામાં આવ્યું છે. ત્યારે આ જોય રાઈડ દ્વારા માત્ર 8 મિનિટમાં જ હેલિકોપ્ટરથી પ્રવાસીઓ રણોત્સવની મજા માણી શકશે. આ માટે ખાસ હેલિપેડ પણ બનાવવામાં આવ્યું છે. આ રાઈડને ધોરડો જોય રાઈડ નામ પણ આપવામાં આવ્યું છે. ત્યારે આ રાઈડમાં વ્યક્તિ દીઢ 5900 નો ચાર્જ નક્કી કરાયો છે. તેમજ બુકિંગ માટે એરોટ્રાન્સની વેબસાઈટ પણ શરૂ કરવામાં આવી છે.
સુરતમાં ફરી એકવાર નકલી અધિકારી ઝડપાયા છે. કોસંબાની પી પી સવાણી યુનિવર્સીટીમા ત્રણ શખ્સો નકલી અધિકારીની ઓળખ આપી ઘૂસ્યા હતાં. પોતાની ઓળખ નેશનલ એન્ટી કરપ્સન એન્ડ એટ્રાસીટી ઓર્ગેનાઈઝેશનની ઓળખ આપી હતી. યુનિવર્સીટીમાં નકલી ડિગ્રી બનાવતા હોવાના આક્ષેપ સાથે તપાસ કરવા પહોંચી ગયા હતા. સંચાલકોએ પોલીસને જાણ કરતા નકલી હોવાનો ભાંડો ફૂટ્યો હતો. કારમાંથી એન્ટી કરપ્શન જનરલ સેકેટરી, સી. બી. આઈ લખેલુ બોર્ડ પણ મળી આવ્યું છે.
મધ્ય પ્રદેશમાં મુખ્યમંત્રી મોહન યાદવના નેતૃત્વવાળી ભાજપ સરકારનું પહેલું કેબિનેટ વિસ્તરણ સોમવારે થયું હતું. આ અંતર્ગત ભાજપના કુલ 28 નેતાઓએ મંત્રી પદના શપથ લીધા હતા. પ્રધ્યુમનસિંહ તોમર, પ્રહલાદસિંહ પટેલ, કૈલાશ વિજયવર્ગીય, વિશ્વાસ સારંગ સહિત અઢાર નેતાઓને કેબિનેટ મંત્રી તરીકે શપથ લેવડાવવામાં આવ્યા હતા. 6 નેતાઓએ રાજ્યમંત્રી (સ્વતંત્ર પ્રભાર) અને 4 નેતાઓએ રાજ્યમંત્રી તરીકે શપથ લીધા હતા. રવિવારે મુખ્યમંત્રી મોહન યાદવ દિલ્હીમાં ભાજપ અધ્યક્ષ જેપી નડ્ડા અને પછી રાજ્યપાલ મંગુભાઇ પટેલ પટેલ સાથે મુલાકાત કરી અને મંત્રીઓની યાદી સોંપી હતી. રાજ્યપાલ પટેલે સોમવારે બપોરે 3:30 વાગ્યે રાજભવન ખાતે મંત્રીઓને હોદ્દા અને ગુપ્તતાના શપથ લેવડાવ્યા હતા.
કુસ્તીબાજો અને બૃજભૂષણ શરણ સિંહને લઈને ચાલી રહેલા વિવાદ વચ્ચે ભારત સરકારના ખેલ મંત્રાલયે કુસ્તી ફેડરેશન ઓફ ઈન્ડિયાની નવી ચૂંટાયેલી એક્ઝિક્યુટીવ કમિટીને સસ્પેન્ડ કરી દીધી હતી. મંત્રાલયે પોતાના નિર્ણયમાં કહ્યું છે કે WFIએ હાલના નિયમો પ્રત્યે સંપૂર્ણ બેદરકારી દર્શાવી છે.
સ્ટાર ખેલાડી હાર્દિક પંડયાએ આ વખતે ગુજરાત ટાઈતન્સનો સાથ છોડીને મુંબઈ ઈન્ડિયન્સનો હાથ પકડ્યો છે. મુંબઈએ તેને ટ્રેડ કરતા ગુજરાત પાસેથી હાર્દિકને ખરીદી લેવામાં આવ્યો છે. કહેવામાં આવી રહ્યું છે કે હાર્દિક પંડ્યા સાથે કેશ ડિલ કરીને તેને લાવવામાં આવ્યો છે. હાર્દિકને લાવવા માટે 15 કરોડ રૂપિયા ગુજરાતને આપવામાં આવ્યા હોવાનું કહેવાય રહ્યું છે.
ફિલ્મ ક્રેટિક અને કલાકાર કમાલ રાશિદ ખાનની મુંબઈ પોલીસે એરપોર્ટ પરથી ધરપકડ કરી છે. આ વાતની જાણકારી કેઆરકેએ પોતે સોશિયલ મીડિયા એપ એક્સ મારફતે આપી છે. કેઆરકે ની વાત માનો તો નવા વર્ષની ઉજવણી કરવા માટે તે દુબઈ જઈ રહ્યો હતો. આ દરમ્યાન પોલીસે તેઓની ધરપકડ કરી છે. એક્ટરે તેની ધરપકડ પાછળ સલમાન ખાનનો હાથ હોવાનું જણાવ્યું છે.
બોલિવુડ ઈન્ડસ્ટ્રીમાં ફરી લગ્નની શરણાઈ વાગી છે. બોલીવુડ સુપરસ્ટાર સલમાન ખાનનો ભાઈ અરબાઝ ખાને શૂરા ખાન સાથે પોતાનું નવું જીવન શરું કર્યું છે. અરબાઝ ખાને ગઈકાલે 24 ડિસેમ્બરના રોજ શૂરા ખાન સાથે લગ્ન કરી લીધા છે. અરબાઝ ખાનના બીજા લગ્નમાં તેનો દીકરો અરહાન ખાન પણ શામેલ થયો હતો. અરહાન ખાન તેના પિતાના લગ્નમાં ખૂબ જ ખુશ જોવા મળ્યો હતો. અરહાન ખાન આ વેડિંગ ફંક્શન એન્જોય કરતા હોય તેવો વિડીયો સોશિયલ મીડિયા પર વાયરલ થઈ રહ્યો છે. અરબાઝ ખાનના નિકાહ તેની બહેન અર્પિતાના ઘરે વાંચવામાં આવ્યા હતા.
બોલિવૂડ સેલિબ્રિટીઓના બાળકો ઘણીવાર પેપ્સની ફ્લેશલાઈટનો શિકાર બનતા હોય છે. તેમની સાથે જોડાયેલી દરેક બાબત ચર્ચાનો વિષય બની જાય છે. પેપ્સ મોટે ભાગે દરેક જગ્યાએ સેલેબ્સને ફોલો કરે છે અને તેમના ફોટા લેવા અને તેને સોશિયલ મીડિયા પ્લેટફોર્મ પર શેર કરવાનો ખૂબ પ્રયાસ કરવામાં આવે છે. જો કે, ઘણા એવા સેલેબ્સ છે જેઓ તેમના બાળકોને કેમેરાથી છુપાવવા માંગે છે. આલિયા ભટ્ટ અને રણબીર કપૂરે પણ શરૂઆતમાં આવું જ કર્યું હતું. પરંતુ હવે બંનેએ પોતાની દીકરી રાહાનો ચહેરો બતાવ્યો છે. ક્રિસમસના અવસર પર આ કપલે દીકરી રાહા કપૂરનો ચહેરો દુનિયા સમક્ષ રજૂ કર્યો છે.
કળા-મનોરંજન જગતનો વધુ એક સિતારો ફાની દુનિયાને અલવીદા કહી જતા ચાહક વર્ગમાં ઘેરા શોકની લાગણી જન્મી છે. કોમેડિયન નીલ નંદાનું 32 વર્ષની વયે નિધન થયું છે. જેના મોત પાછળના કારણ અંગે કોઈ સત્તાવાર સમર્થન મળ્યું નથી. જોકે નીલના મોત મામલે મેનેજર ગ્રેગ વાઈસે આ સમાચારની પુષ્ટિ કરી છે. તેમણે કહ્યું કે તેઓ એ જણાવતા ખૂબ જ દુઃખી છે કે નીલ નંદાનું નિધન થઈ ગયું છે. પરંતુ તેના ચાહકો આ સમાચારથી શોકના સાગરમાં ડૂબ્યા છે. નાની ઉંમરમાં જબરી સિદ્ધિ હાંસલ કરનાર નિલે તાજેતરમાં જ પોતાનો જન્મદિવસ ઉજવ્યો હતો.
