- ભારત-પાકિસ્તાન મેચને લઈ લોકોમાં અનેરો ઉત્સાહ
- અમદાવાદ પોલીસે દર્શકો માટે જાહેર કર્યો વીડિયો
- વડોદરામાં પણ ક્રિકેટ રસીકો માટે લગાવી મોટી સ્ક્રીન
પોલીસ તમામ પ્રકારે સુરક્ષા માટે તૈનાત છે -DCP
અમદાવાદ પોલીસ દ્વારા લોકોને અપીલ કરતો વીડિયો શેર કર્યો હતો. જેમાં ટ્રાફિક ડીસીપી કોમલ વ્યાસ દ્વારા ભારત-પાકિસ્તાન મેચને લઈ દર્શકોને અપીલ કરી હતી કે, શાંતિ પૂર્ણ માહોલમાં મેચનો આનંદ માણો તેમજ પોલીસ તમામ પ્રકારે સુરક્ષા માટે તૈનાત છે. તેમજ કોઈ પણ પ્રકારની અફવાઓ પર દર્શકો ધ્યાન ન આપો.
સયાજીબાગમાં મેચ જોવા માટે મોટી સ્ક્રીન લગાવવામાં આવી
ભારત-પાકિસ્તાન મેચને લઈને વડોદરામાં વિશેષ વ્યવસ્થા કરવામાં આવી છે. સયાજીબાગમાં મેચ જોવા માટે મોટી સ્ક્રીન લગાવવામાં આવી છે. સહેલાણીઓ સહિત શહેરીજનાં નાગરિકો ભારત-પાક વચ્ચેની મેચ જોવા ઉમટ્યા હતા. ભારત-પાકિસ્તાનની મેચને લઈ ચાહકોમાં ભારે ઉત્સાહ જોવા મળી રહ્યો છે.
યુવતીઓએ બનાવ્યા અલગ પ્રકારના ટેટુ
ભારત-પાકિસ્તાન મેચને લઈને સુરતમાં યુવતીઓમાં ભારે ઉત્સાહ જોવા મળી રહ્યા છે. વર્લ્ડ કપ, તિરંગો અને આઈ લવ ઈન્ડિયાનાં ટેટુ યુવતીઓ બનાવી રહી છે. એક તરફ નવરાત્રીનો ક્રેઝ બીજી તરફ મેચને લઈ યુવતીઓમાં ઉત્સાહ જોવા મળી રહ્યો છે. યુવતીઓએ અલગ અલગ પ્રકારનાં ટેટુ પણ બનાવ્યા છે.
મોટી સંખ્યામાં લોકો મેચ જોવા માટે ઉમટ્યા
ભારત-પાકિસ્તાનની મેચને લઈ લોકોમાં અનેરો ઉત્સાહ જોવા મળી રહ્યો છે. અમદાવાદનાં ગુરૂકુળ વિસ્તારમાં સ્ક્રીન લગાવાઈ છે. મોટી સંખ્યામાં લોકો મેચ જોવા ઉમટ્યા છે. તડકો હોવા છતાં લોકોમાં મેચ જોવાનો ઉત્સાહ છે.
