- રાજામૌલીએ પોતાના ડ્રીમ પ્રોજેક્ટ વિશે વાત કરી
- મહાભારત 10 ભાગની ફિલ્મ બનશે
- લાંબા સમયથી ટીવી શો મહાભારતના 266 એપિસોડને ફિલ્મમાં બદલવાનું સપનું જોઈ રહ્યા છે
SS Rajamouli Mahabharat Movie: બાહુબલી અને RRR જેવી બ્લોકબસ્ટર ફિલ્મ બનાવ્યા પછી એસએસ રાજામૌલી હવે એવું કંઈક કરવા જઈ રહ્યા છે જેને જોઈને દુનિયાભરના ફિલ્મના ચાહકો આશ્ચર્યચકિત થઈ જશે. રાઇટર અને ડાયરેક્ટર તરીકે રાજામૌલી એક એવી ફિલ્મ દુનિયાને આપવા ઈચ્છે છે જે ઇતિહાસ સર્જી શકે છે. તાજેતરમાં જ એક ઇન્ટરવ્યૂ દરમિયાન રાજામૌલીએ પોતાના ડ્રીમ પ્રોજેક્ટ વિશે વાત કરી હતી. તેમણે જણાવ્યું હતું કે, તેમને મહાભારત પર ફિલ્મ બનાવવા માંગે છે જેને તે 10 પાર્ટમાં રજૂ કરવા ઈચ્છે છે.
મહાભારત પર ફિલ્મ બનાવશે એસએસ રાજમૌલી
એસએસ રાજામૌલી તેમના ડ્રીમ પ્રોજેક્ટ મહાભારત વિશે વાત કરી ચૂક્યા છે. એસએસ રાજામૌલીએ આરઆરઆરના પ્રમોશન દરમિયાન જણાવ્યુ હતું કે, તેઓ મૂળ મહાભારતને પોતાની શૈલીમાં ટ્વિસ્ટ આપશે અને સ્ક્રિપ્ટ લખ્યા પછી જ ફિલ્મમાં કાસ્ટ કરશે. આ વખતે એસએસ રાજામૌલીએ એક ઈવેન્ટમાં પોતાના ડ્રીમ પ્રોજેક્ટ વિશે ખુલીને વાત કરી છે અને કહ્યું છે કે, હાલમાં દેશમાં મહાભારતની તમામ આવૃત્તિઓ વાંચવામાં તેમને લગભગ એક વર્ષ લાગશે.
10 ભાગમાં બનશે મહાભારત?
એસએસ રાજામૌલીએ હાલમાં જ એક કાર્યક્રમ દરમિયાન કહ્યું હતું કે, જો તેઓ મહાભારત બનાવવાની વાત કરે છે તો ભારતમાં તેના તમામ વર્ઝન વાંચવામાં એક વર્ષ લાગશે. અત્યારે તે માની શકે છે કે તે 10 ભાગની ફિલ્મ હશે. રાજામૌલી લાંબા સમયથી ટીવી શો મહાભારતના 266 એપિસોડને ફિલ્મમાં બદલવાનું સપનું જોઈ રહ્યા છે.
ક્યારે કરશે ડ્રીમ પ્રોજેક્ટ પર કામ?
આ કાર્યક્રમમાં જ્યારે એસએસ રાજામૌલીને પૂછવામાં આવ્યું કે, શું મહાભારત ટૂંક સમયમાં તેમના આયોજનમાં છે. આ સવાલ પર રાજામૌલીએ કહ્યું, આ જ તેમના જીવનનો હેતુ છે. રાજામૌલીએ એમ પણ કહ્યું- તે જે પણ ફિલ્મ બનાવે છે, તેમાંથી તે કંઇક શીખે છે, તે મહાભારત બનાવવા માટે કંઈક શીખી રહ્યા છે, તેથી તે તેનું સપનું છે અને દરેક પગલું તેની તરફ જ છે.
