- કેટલાક લોકો ઘણીવાર તેમના પેટ પર સૂઈ જાય છે
- પેટ પર સુવાથી શરીરના દુ:ખાવાની સમસ્યા વધી શકે છે
- સૂતી વખતે ધ્યાન રાખો કે તમારી ગરદન અને કરોડરજ્જુ સીધા રહે
સારા માનસિક સ્વાસ્થ્ય માટે આરામની ઊંઘ લેવી ખૂબ જ જરૂરી છે. દરેકની ઊંઘવાની પેટર્ન અલગ-અલગ હોય છે. કેટલાક લોકોને પીઠ સીધી રાખીને સૂવું ગમે છે, જ્યારે કેટલાકને ચોક્કસ બાજુ પર સૂવું ગમે છે. આ સ્થિતિઓ સિવાય, કેટલાક લોકો ઘણીવાર તેમના પેટ પર સૂઈ જાય છે. તમને જણાવી દઈએ કે, ભલે આ પોઝિશન તમને આરામ આપે છે, પરંતુ ભવિષ્યમાં તે તમારા માટે નુકસાનકારક સાબિત થઈ શકે છે. આ રીતે સૂવાથી સ્વાસ્થ્ય પર વિપરીત અસર થાય છે. જો તમે પણ આ ભૂલ કરી રહ્યા છો અને તેની આડઅસરોથી અજાણ છો, તો અહીં તેના વિશે જાણો.
શરીરનો દુ:ખાવો
પેટ પર સુવાથી શરીરના દુ:ખાવાની સમસ્યા વધી શકે છે. ભલે આ શરૂઆતમાં આરામદાયક લાગતું હોય, પરંતુ ભવિષ્યમાં તે સમસ્યાઓનું કારણ બની શકે છે. આ રીતે સૂવાથી તમારી કરોડરજ્જુ પર વધુ દબાણ આવે છે. જેના કારણે તમે કમરના દુ:ખાવાના શિકાર બની શકો છો. આ સિવાય તેનાથી ગરદનનો દુ:ખાવો પણ થાય છે.
કરોડરજ્જુ માટે ખરાબ
તમારા પેટ પર સૂવાથી, તમારા આખા શરીરનો ભાર તમારી કરોડરજ્જુ પર પડે છે. જેના કારણે આ તાણ ભવિષ્યમાં કરોડરજ્જુ સંબંધિત મોટી સમસ્યાઓ તરફ દોરી શકે છે. તેથી આ સ્થિતિમાં સૂવાનું ટાળવું જોઈએ.
છાતીમાં દુ:ખાવો
ઘણીવાર મહિલાઓમાં છાતીનાં દુ:ખાવાનું કારણ ઉંધા સુવાની ટેવ માનવામાં આવે છે. આ સ્થિતિમાં છાતી પર દબાવ વધુ પડે છે. આજથી જ આ સ્થિતિમાં સુવાનું ટાળો.
નબળી પાચન શક્તિ
ઉંધા સુવાની ટેવનાં કારણે તમે ખાધેલી વસ્તુ યોગ્ય રીતે પચતી નથી. જેના કારણે પેટમાં દુ:ખાવાની સમસ્યા થાય છે. તેથી ઉંધા સુવાનું ટાળવું જોઈએ.
વાંચવા જેવું: ખરાબ ત્વચા, બીમારીઓ, કેન્સર...: દરરોજ આટલા કલાકથી ઓછી ઊંઘ લેવાથી થાય છે આવા નુક્સાન
ત્વચા માટે નુકસાનકારક
જ્યારે તમે તમારા પેટ પર સૂઈ જાઓ છો, ત્યારે તમારો ચહેરો તમારા ઓશીકા પર રહે છે. આના કારણે તમારી ત્વચા ધૂળ, ગંદકી અને બેક્ટેરિયા સાથે સંપર્કમાં આવી જાય છે. જેનાથી પિમ્પલ્સ અને ખીલ થઈ શકે છે. આ સિવાય આ રીતે સૂવાથી તમારી ત્વચાને પૂરતા પ્રમાણમાં ઓક્સિજન મળી શકતું નથી. જેના કારણે કરચલીઓ દેખાવા લાગે છે.
સૂવાની શ્રેષ્ઠ સ્થિતિ
સૂતી વખતે ધ્યાન રાખો કે તમારી ગરદન અને કરોડરજ્જુ સીધા રહે. સારી ઊંઘ માટે ડોકટરો હંમેશા પાતળા ગાદલાનો ઉપયોગ કરવાની સલાહ આપે છે. તમે તમારી બાજુ પર પણ સૂઈ શકો છો. જેમાં ડાબી બાજુ સૂવું એ સારા રક્ત પરિભ્રમણ સાથે સંકળાયેલ માનવામાં આવે છે.
