જાણી લેજો / સુરતના છ લાખ ઘરોમાં સોમવારે નહીં આવે પાણી: મેટ્રોની કામગીરીના કારણે આ વિસ્તારોમાં ખોરવાશે પૂરવઠો

• સોમવારે સુરતના અનેક વિસ્તારોમાંને નહીં મળે પૂરતું પાણી 
• સુરતના વરાછા, કતારગામ, સેન્ટ્રલ ઝોનમાં ખોરવાશે પાણી પુરવઠો 
• સુરતમાં સોમવારે 6 લાખ લોકોને નહીં મળે પીવાનું પાણી 
• મેટ્રોની કામગીરી દરમિયાન પાણીની લાઇન શિફ્ટ કરવાની કામગીરી કરાશે 
• લાઇન શિફ્ટીંગની કામગીરીને લઇ પાણી પુરવઠો બંધ રહેશે 
• લંબેહનુમાન રોડ લાભેશ્વર ભવન ખાતે સોમવારે રહેશે પાણી કાપ 
• સવારે 4 કલાકથી રાત્રે 11 કલાક સુધી કરાશે કામગીરી

Surat Metro : સુરતવાસીઓ માટે એક મોટા સમાચાર સામે આવ્યા છે. વાત જાણે એમ છે કે, આવતીકાલે એટલે કે સોમવારે સુરતના અનેક વિસ્તારોમાં પૂરતું પાણી નહીં મળે. મહત્વનું છે કે, મેટ્રોની કામગીરી દરમિયાન પાણીની લાઇન શિફ્ટ કરવાની કામગીરી કરાશે. જેને લઈ સોમવારે 6 લાખ લોકોને પીવાનું પાણી નહીં મળે. વિગતો મુજબ સુરતના વરાછા, કતારગામ, સેન્ટ્રલ ઝોનમાં પાણી પુરવઠો ખોરવાશે. 

રાજ્યમાં અમદાવાદ બાદ હવે સુરતમાં પણ મેટ્રો શરૂ થવાની છે. જેને લઈ હાલ મેટ્રોની કામગીરી પુરજોશમાં ચાલી છે. આ દરમિયાન હવે સમાચાર સામે આવ્યા છે કે, મેટ્રોની કામગીરી દરમિયાન પાણીની લાઇન શિફ્ટ કરવામાં આવશે. જેથી લાઇન શિફ્ટીંગની કામગીરીને લઇ પાણી પુરવઠો બંધ રહેશે. સુરતના વરાછા, કતારગામ, સેન્ટ્રલ ઝોનમાં  પાણી પુરવઠો ખોરવાશે જેથી સોમવારે 6 લાખ લોકોને પીવાનું પાણી નહીં મળે. મહત્વનું છે કે, લંબેહનુમાન રોડ લાભેશ્વર ભવન ખાતે સોમવારે પાણી કાપ રહેશે. સવારે 4 કલાકથી રાત્રે 11 કલાક સુધી કામગીરી કરવામાં આવશે.