અરજી / પિરિયડ્સ દરમિયાન મહિલાઓને મળવી જોઈએ રજા? જાણો કેમ સુપ્રીમ કોર્ટે સુનાવણીથી કર્યો ઈનકાર

• પિરિયડ્સ દરમિયાન મહિલાઓને રજા મામલે અરજી
• સુપ્રીમ કોર્ટે સુનાવણી અંગે કર્યો ઈન્કાર

મહિલાઓને માસિક ધર્મની રજા અંગે એક અરજી સુપ્રિમ કોર્ટમાં કરવામાં આવી હતી. ત્યારે સુપ્રિમ કોર્ટે આ અરજીની સુનાવણી કરવાનો ઈન્કાર કરી દિધો છે. માસિક ધર્મના કારણે તે દિવસોમાં મહિલા કે શાળામાં અભ્યાસ કરતી છોકરીને શાળામાંથી રજા તેમજ કામ કરતી મહિલાને કામના સ્થળેથી રજા આપવા માટેના નિયમો બનાવવામાં આવે. ત્યારે સુપ્રીમ કોર્ટ કહ્યુ કે, આ મામલો કે મુદ્દો સરકારના નીતિ વિષયક કાર્યક્ષેત્રમાં આવી રહ્યો છે. તેમજ આ નિર્ણય લેવા માટે કેન્દ્રિય મહિલા અને બાળ વિકાસ મંત્રાલયને રજૂઆત મોકલવામાં આવે તેમ મુખ્ય ન્યાયાધીસ ડી.વાય.ચંદ્રચુડની આગેવાની હેઠળની બેંચે કહ્યુ હતુ. 

કોણે કરી છે આ અરજી?

માસિક ધર્મ અંગેની અરજીની વાત કરીએ તો દિલ્હીના રહેવાસી શૈલેન્દ્ર મણિ ત્રિપાઠી દ્વારા અરજી દાખલ કરવામાં આવી હતી. જેમાં કેન્દ્ર અને તમામ રાજ્યોને અનુરોધ કરવામાં આવે મેટરનિટી બેનિફિટ એક્ટ ૧૯૬૧ની કલમ ૧૪નું પાલન કકરવા માટેની માંગ કરવામં આવી છે. આ એક્ટની કલમ ૧૪ના પાલન માટેની માંગ કરવામાં આવી છે.