શિખર ધવનની આંતરરાષ્ટ્રીય ક્રિકેટ કારકિર્દી લગભગ પૂરી થઈ ગઈ છે, પરંતુ તે સતત આઈપીએલમાં રમી રહ્યો છે અને આઈપીએલ 2024માં ફરી એકવાર તે પંજાબ કિંગ્સનો કેપ્ટન બનીને મેદાનમાં જોવા મળશે. શિખર ધવનનું આઈપીએલમાં અત્યાર સુધીનું પ્રદર્શન ઘણું સારું રહ્યું છે અને તે આ લીગમાં સૌથી વધુ રન બનાવનારા બેટ્સમેનોની યાદીમાં પણ સામેલ છે. ધવન આ લીગમાં સૌથી વધુ બાઉન્ડ્રી એટલે કે ચોગ્ગા અને છગ્ગા ફટકારનાર બેટ્સમેન પણ છે અને તે વિરાટ કોહલી, ડેવિડ વોર્નર, રોહિત શર્મા જેવા મહાન ખેલાડીઓ કરતાં આગળ જોવા મળે છે.
ધવને 898 બાઉન્ડ્રી ફટકારી છે
શિખર ધવન 2008થી આઈપીએલમાં રમી રહ્યો છે અને અત્યાર સુધી તેણે આ લીગની 16 સીઝનમાં ભાગ લીધો છે. ધવન આ 16 સીઝનમાં ઘણી ટીમો માટે રમ્યો હતો. ધવને આઈપીએલમાં 217 મેચ રમી છે અને આ મેચોમાં તેણે 750 ચોગ્ગા અને 148 છગ્ગા ફટકાર્યા છે. જો આને ઉમેરવામાં આવે તો આંકડો 898 સુધી પહોંચે છે. એટલે કે આ લીગમાં તે સૌથી વધુ ચોગ્ગા અને છગ્ગા ફટકારનારા બેટ્સમેનોની યાદીમાં પ્રથમ સ્થાને છે.
IPLમાં સૌથી વધુ ચોગ્ગા અને છગ્ગા ફટકારનારા બેટ્સમેનોની યાદીમાં વિરાટ કોહલી બીજા સ્થાને છે, જેણે અત્યાર સુધીમાં કુલ 877 બાઉન્ડ્રી ફટકારી છે, જ્યારે ડેવિડ વોર્નર 872 બાઉન્ડ્રી સાથે ત્રીજા સ્થાને છે. આ યાદીમાં રોહિત શર્મા 811 બાઉન્ડ્રી સાથે ચોથા સ્થાને છે જ્યારે ક્રિસ ગેલ પાંચમા સ્થાને છે. આ યાદીમાં સુરેશ રૈના છઠ્ઠા સ્થાને જ્યારે એબી ડી વિલિયર્સ સાતમા સ્થાને છે. ધવને આઈપીએલમાં 217 મેચમાં 6617 રન બનાવ્યા છે, જેમાં બે સદી પણ સામેલ છે.
વધુ વાંચો : RCB WPL Champions થતાં જ મીમનો વરસાદ, કોહલી ટાર્ગેટ, જેઠાલાલવાળું પોસ્ટર સૌથી હટકે
IPL ઇતિહાસમાં સૌથી વધુ બાઉન્ડ્રી (4+6)
- 898 – શિખર ધવન
- 877-વિરાટ કોહલી
- 872 - ડેવિડ વોર્નર
- 811 – રોહિત શર્મા
- 761 – ક્રિસ ગેલ
- 709 – સુરેશ રૈના
- 664 – એબી ડી વિલિયર્સ
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
