ભાજપે લોકસભાની જાહેરાત થાય તેના પહેલા જ 195 ઉમેદવારોની યાદી જાહેર કરી સૌ કોઈને ચોંકાવી દીધા છે. ઉલ્લેખનીય છે કે, ગુજરાતની 26 બેઠકો પૈકી 15 બેઠકો પરના ઉમેદવારોના નામો જાહેર કરી દીધા છે. જેમાં 10 ઉમેદવારોને રિપીટ કરાયા છે. જ્યારે પાંચ ઉમેદાવરોના પત્તા કપાયા છે. જેમાં દિગ્ગજ અને સતત વિજેતાની ખ્યાતી ધરાવતા પરબત પટેલને પણ સાઈડ લાઈન કરાયા છે. બનાસકાંઠા લોકસભા બેઠક પરના ભાજપે એવા સમીકરણોના ચોંગઠા ગોઠવ્યા છે કે, અહીં એક કાંકરે અનેક પક્ષી વિધવા જેવો ઘાટ રચ્યો કહી તો જરા પણ અતિશયોક્તિ નહીં કહેવાય.
ક્યા સમીકરણોના આધારે મહિલા ઉમેદવાર રેખાબેન ચૌધરીની પસંદગી કરાઈ..... રાજકીય વિશ્લેષકોના મત 1. જાતિગત સમીકરણ 2. મહિલા ઉમેદવાર 3. પરબત પટેલ સાઈડ લાઈન
જાતિગત સમીકરણ
બનાસકાંઠા બેઠકની વાત કરીએ તો અહીં ઠાકોર સમાજ બાદ ચૌધરી સમાજનો પ્રભુત્વ વધુ છે. સાથો સાથ પરબત પટેલ ગત ચૂંટણીમાં ચૌધરી ઉમેદવાર તરીકે ઉતર્યા હતાં. જે જાતિગત સમીકરણ યથાવત રાખીને ફરી ચૌધરી સમાજ પર ભાજપે ભરોસો મુક્યો છે.
લોકસભા ઉમેદવારોની ભાજપની પ્રથમ યાદી વાંચવા અહીં ક્લિક કરો
મહિલા ઉમેદવાર
એક મહિલા ઉમેદવાર તરીકે રેખાબેન ચૌધરીની પસંદગી મહિલા વોટબેન્કને ટાર્ગેટ રાખીને કરાઈ છે. આ બેઠક પરની મહિલાઓ મોટાભાગે બનાસ ડેરી સાથે સંકળાયેલી છે. જેને ધ્યાને રાખીને ડેરીના આદ્યસ્થાપક સ્વ ગલબાકાકાની પૌત્રી ડો. રેખાબેનને ટિકિટ આપવાનું એક કારણ કહી શકાય
પરબત પટેલ સાઈડ લાઈન
બનાસકાંઠા બેઠક પર ગત લોકસભાની ચૂંટણીમાં લીડ સાથે વિજેતા બનેલા તેમજ થરાદ વિધાનસભા બેઠક પર મજબૂત પક્કડ જમાવી બેઠલા પરબત પટેલને સાઈડ લાઈન કરાયા છે. જો કે, તેમની સાઈડ લાઈનનું એક કારણ તેમની ઉંમર પણ ગણાઈ રહી છે સાથો સાથ બીજો પણ કેટલાક કારણો રાજકીય વિશ્લેષકોના મતે છે.
કોણ છે રેખાબેન ચૌધરી ?
ડો. રેખાબેન ચૌધરી, બનાસકાંઠાના લોખો પશુપાલકો જેમના કારણે સ્વામાભેર પોતાનું જીવન જીવી રહ્યાં છે, એવા બનાસડેરીના આદ્યસ્થાપક સ્વ ગલબાભાઈ નાનજીભાઈ પટેલની પૌત્રી છે. તેઓ ભાજપના સક્રિય કાર્યકર અને મોરબી જિલ્લાના પ્રભારી હિતેશ ચૌધરીના ધર્મ પત્ની છે. તેમણે M.sc., M.phil., Ph.D (Mathematics) અભ્યાસ કરેલો છે. વ્યવસાય- પ્રાધ્યાપક, એન્જિનિયરિંગ કોલેજ
વાંચવા જેવું: ગુજરાતમાં ભાજપના 15 ઉમેદવારોમાંથી 10 રિપીટ, 5 નવા નામો, આ જૂનાજોગીઓના પત્તા કટ
રેખાબેન ચૌધરીએ શું કહ્યું ?
બનાસકાંઠા લોકસભાના ઉમેદવાર રેખાબેન ચૌધરીએ કહ્યું કે, બનાસકાંઠા લોકસભા ઉમેદવાર તરીકે પસંદગી કરવા બદલ રાષ્ટ્રીય નેતૃત્વનો આભાર માન્યો છે. એક મહિલાને ટિકિટ આપી ભાજપે નારી શક્તિનું સન્માન કર્યું છે. તેમણે કહ્યું કે, મને ટિકિટ આપીને બનાસડેરીના આદ્યસ્થાપક સ્વ ગલબાકાકાને સાચી શ્રધદ્ધાજલી અર્પણ કરી છે
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
