ક્રાઈમ / દ્વારકામાં જીવતાને મરેલા દેખાડીને વીમા પાસનું કૌભાંડ આવ્યું સામે, 45 ખોટા સર્ટી પર આરોપીઓ ચાઉ કરી ગયા 1.3 કરોડ

• રિલાયન્સ લાઇફ ઇનસ્યોરન્સ કંપની સાથે કૌભાંડ 
• જીવીત વ્યકિતના મરણના દાખલા બનાવી વીમો પાસ કરાવવાનું કૌભાંડ 
• એક કરોડ ત્રણ લાખ રૂપિયા આરોપીઓ ચાઉ કરી ગયા

દ્વારકા જિલ્લામાં જીવીત વ્યકિતના મરણના દાખલા બનાવી વીમો પાસ કરાવવાનું કૌંભાંડ સામે આવ્યું છે. રિલાયન્સ લાઇફ ઇનસ્યોરન્સ કંપની સાથે અલગ અલગ 45 જેટલા લોકોના ખોટા મરણના દાખલાઓ રજૂ કરી ડેથ ક્લેઇમ કરી અને રૂપિયા એક કરોડ ત્રણ લાખ લઈ આરોપીઓ ચાઉ કરી ગયા હોવાનું સામે આવ્યું છે.  

આરોપીઓને દબોચી લેવાયા
ગંભીર બાબતે તપાસ કરતા અંતે રિલાયન્સ ઇન્સ્યોરન્સ કંપનીની ખંભાળિયા બ્રાન્ચમાં ફરજ બજાવતા સેલ્સ મેનેજર ખીમા ચાવડા, મુકેશ ભરવાડ, ધના નંદાનીયા સહિત છ લોકો સામે  દ્વારકા એસ.ઓ.જીએ ગુનો દાખલ કરી આરોપીઓને દબોચી લીધા છે. રિલાયન્સ ઇન્સ્યોરન્સ કંપનીની ફરિયાદના આધારે તપાસ કરી ગુનો નોંધી આરોપીઓને દ્વારકા એસ.ઓજી.એ. ઝડપી આગળની કાર્યવાહી હાથ ધરી છે 

45 જેટલાં લોકોના ખોટા મરણના દાખલા રજુ કર્યા
ભેજાબાજ આરોપીઓએ આ કૌભાંડમાં 45 જેટલાં લોકોના ખોટા મરણના દાખલા રજુ કરી ડેથ ક્લેમ કરી એક કરોડથી વધુની વિમાની રકમ ચાઉં કરી હોવાની વિગતો છે. આ મામલે કંપનીની ફરિયાદના આધારે આરોપીઓને એસ.ઓ.જીએ ઝડપી આગળની કાર્યવાહી હાથ ધરી છે