છેતરપિંડી / જૉબ અપાવવાના બહાને MS યુનિ.માં કરોડોનું કૌભાંડ, લેટર પેડ પર નોકરી વાંચ્છુકોને અપાયા ખોટા ઓર્ડર

• વડોદરાની MS યુનિ.માં નોકરી અપાવવાના બહાને કરોડોની છેતરપિંડી 
• નોકરી વાંચ્છુકો પાસેથી ભેજાબાજોએ 1.67 કરોડ પડાવી લીધા 
• અમદાવાદના કિંજલબેન પટેલે સયાજીગંજ પોલીસમાં નોંધાવી ફરિયાદ 
• આરોપી શૈલેષ સોલંકી,રાહુલ પટેલ,મનીષ કટારા સામે નોંધાવાઇ ફરીયાદ 

વડોદરાની MS યુનિ.માં નોકરી અપાવવાના બહાને કરોડોની છેતરપિંડીની ઘટના સામે આવતા હડકંપ મચી ગયો છે. વાત જાણે એમ છે કે, નોકરીરી વાંચ્છુકો પાસેથી ભેજાબાજોએ 1.67 કરોડ પડાવી લીધા હતા. જેને લઈ ત્રણ ઇસમો સામે સયાજીગંજ પોલીસ મથકમાં ફરિયાદ નોંધાઈ છે. વિગતો મુજબ આ ઇસમોએ MS યુનિ.ના નામે લેટર પેડ ઉપર ખોટા ઓર્ડરો લોકોને આપ્યા હતા. 

સંસ્કારી નગરી વડોદરાથી એક મોટા સમાચાર સામે આવ્યા છે. પ્રાથમિક વિગતો મુજબ કેટલાક ઇસમોએ નોકરીરી વાંચ્છુકો વ્યક્તિઓ પાસેથી છેતરપિંડી કરી 1.67 કરોડ પડાવી લીધા હતા. ઇસમોએ MS યુનિ.ના નામે લેટર પેડ પર ખોટા જોઈનિંગ લેટર બનાવી નોકરી વાંચ્છુકોને આપ્યા હતા. જેને લઈ અમદાવાદના કિંજલબેન પટેલે સયાજીગંજ પોલીસમાં ફરિયાદ નોંધાવી છે.

સૂત્રોએ જણાવ્યું હતું કે, હજી સુધી MS યુનિવર્સિટી દ્વારા આ મામલે કોઈ પોલીસ ફરિયાદ નથી નોંધાવવામાં આવી. જોકે અમદાવાદના કિંજલબેન પટેલે આરોપી શૈલેષ સોલંકી, રાહુલ પટેલ, મનીષ કટારા સામે સયાજીગંજ પોલીસમાં ફરિયાદ નોંધાવી છે. જેને લઈ પોલીસે આ મામલે વધુ તપાસ શરૂ કરી છે.