બોલિવુડ / કુતુબમિનાર જેટલી ઊંચાઈ ધરાવતી હોટલ બનાવશે સલમાન ખાન, જાણો અંદર કેવી કેવી હશે સુવિધાઓ

• બોલીવુડ સુપર સ્ટાર સલમાન ખાન હોટલ બનાવવાનાં પ્લાનીંગમાં
• કુતુબ મિનાર જેટલી ઉંચી 19 માળની હોટલ બનાવશે
• મુંબઈનાં બાંદ્રા કાર્ટર રોડ પર બનાવવામાં આવશે હોટલ

 સલીમ ખાન બોલીવુડનું એવું નામ છે.  જેણે એકથી વધુ ફિલ્મની વાર્તા લખી છે. એમનો દિકરો એટલે કે સલમાનખાન બોલીવુડનાં દિગ્ગજ કલાકાર છે.  જે છેલ્લા ઘણા વર્ષોથી કરોડો ચાહકોનાં દિલ પર રાજ કરે છે. સલમાનને લકઝરીયસ કારનો ખૂબ જ શોખ છે.  હાલમાં જ તેમણે બુલેટપ્રુફ ગાડી ખરીદી છે.  જે ખૂબ જ ચર્ચામાં છે.  હવે બોલીવુડનાં ભાઈજાન એટલે કે સલમાન મુંબઈમાં એક 19 માળની હોટલ બનાવવાનું પ્લાનીંગ કરી રહ્યા છે. જે દરિયા કિનારે હશે. સલમાનની આ હોટલ કુતુબ મિનાર જેટલી ઉંચાઈ ધરાવતી હશે. 

બોલિવૂડ સ્ટાર્સ મોટાભાગે લક્ઝરી એપાર્ટમેન્ટ અને બંગલા ખરીદે છે. પરંતુ હવે 'કિસી કા ભાઈ કિસી કી જાન' સ્ટાર સલમાન ખાન અને તેનો પરિવાર મુંબઈમાં એક આલીશાન હોટેલ બનાવવાની યોજના બનાવી રહ્યા છે. જે દરિયા કિનારે હશે.
સલમાન ખાનની માતાના નામે છે આ મિલ્કત
એક રિપોર્ટ મુજબ સલમાન ખાનનો પરિવાર બાંદ્રાના કાર્ટર રોડ પર 19 માળની બિલ્ડીંગ હોટેલ બનાવવાની તૈયારી કરી રહ્યો છે. આ દરિયા તરફનો વિસ્તાર છે. અને અહીંનો નજારો અદભૂત છે. જ્યારે ખાને આ મિલકત ખરીદી ત્યારે તેને રહેણાંક બિલ્ડીંગમાં રૂપાંતરિત કરવાની પ્રક્રિયા ચાલી રહી હતી. પરંતુ બાદમાં પ્લાનમાં થોડો ફેરફાર કરવામાં આવ્યો હતો. આ પ્રોપર્ટી સલમાન ખાનની માતા સલમા ખાનના નામે છે.
કુતુબ મિનાર જેટલી હશે હોટલની ઊંચાઈ
સલમાન ખાન અને તેનો પરિવારની આ 19 માળની હોટલની ઊંચાઈ દેશની રાજધાની દિલ્હીમાં સ્થિત કુતુબ મિનાર કરતા થોડી ઓછી હશે. જણાવવામાં આવી રહ્યું છે કે 19 માળની હોટલ 69.9 મીટરની હશે. જ્યારે કુતુબ મિનારની ઊંચાઈ 73 મીટર છે.
19 માળની હોટલમાં શું સુવિધા હશે?
BAC સામે રજૂ કરાયેલા પ્રસ્તાવમાં આ બિલ્ડિંગમાં પહેલા માળે કાફે અને રેસ્ટોરન્ટ હશે. જ્યાં બીજા માળે ભોંયરું, ત્રીજા માળે જીમ અને સ્વિમિંગ પૂલ, ચોથા માળે સર્વિસ ફ્લોર તરીકે બનાવવામાં આવશે. બિલ્ડિંગના પાંચમા અને છઠ્ઠા માળનો કન્વેન્શન સેન્ટર તરીકે ઉપયોગ કરવામાં આવશે. બિલ્ડિંગના પ્લાનમાં હોટલ માટે સાતમાથી 19મા માળ સુધીની જગ્યા રાખવામાં આવી છે.