BIG NEWS / સાળંગપુર મંદિર વિવાદમાં જલ્દી જ થશે સમાધાન! અમદાવાદના ગુરુકુળમાં VHP આગેવાનો અને વડતાલના સંતો વચ્ચે બેઠક

• સાળંગપુર મંદિર વિવાદ સાથે જોડાયેલા સૌથી મોટા સમાચાર 
• અનેક સાધુસંતો બાદ વિશ્વ હિન્દૂ પરિષદ મેદાને 
• વિશ્વ હિન્દૂ પરિષદના મહામંત્રી અશોક રાવલે નારાજગી વ્યક્ત કરી હતી 
• VHPના આગેવાનો ગઈકાલે રાત્રે વડતાલ સ્વામિનારાયણ મંદિરના સંતો સાથે કરી બેઠક 
• સંતોએ VHPને વિવાદનો ઝડપથી અંત લાવવાની આપી ખાતરી

સાળંગપુર મંદિર વિવાદ : સાળંગપુર મંદિર વિવાદ સાથે જોડાયેલા સૌથી મોટા સમાચાર સામે આવ્યા છે. વાત જાણે એમ છે કે, સાળંગપુરમાં ભીંતચિત્રોને લઇ મોટા વિવાદને લઈ અનેક સાધુસંતો બાદ વિશ્વ હિન્દૂ પરિષદ મેદાને ઉતર્યું છે. આ બધાની વચ્ચે હવે સમાચાર સામે આવ્યા છે કે, અમદાવાદના મેમનગર સ્વામિનારાયણ ગુરુકુળમાં VHP અને સ્વામિનારાયણ સંપ્રદાયના સંતો વચ્ચે મોટી બેઠક થઈ છે. જેને લઈ સાળંગપુર મંદિર વિવાદમાં જલ્દી જ સમાધાન થઈ શકે છે. 

સાળંગપુર મંદિરમાં ભીંતચિત્ર વિવાદને લઈને મોટા સમાચાર: વિશ્વ હિન્દુ પરિષદના આગેવાનો તથા વડતાલ સ્વામિનારાયણ મંદિરના સંતો વચ્ચે યોજાઇ બેઠક #gujaratnews #botadnews #salangpur #salangpurdham #SalangpurHanuman #salangpurhanumanji #salangpur_temple #salangpurdham_hanumanji… pic.twitter.com/qnW2zGT9db

— VTV Gujarati News and Beyond (@VtvGujarati) September 1, 2023

સાળંગપુર મંદિર વિવાદને લઈ વિશ્વ હિન્દૂ પરિષદના મહામંત્રી અશોક રાવલે નારાજગી વ્યક્ત કરી હતી. આ તરફ VHPના આગેવાનો ગઈકાલે રાત્રે વડતાલ સ્વામિનારાયણ મંદિરના સંતો સાથે બેઠક કરી હતી. મહત્વનું છે કે, અમદાવાદના મેમનગર સ્વામિનારાયણ ગુરુકુળમાં VHP અને સ્વામિનારાયણ સંપ્રદાયના સંતો વચ્ચે મોટી બેઠકમાં વડતાલ સ્વામિનારાયણ મંદિરના મુખ્ય સંતો હાજર રહ્યા હતા. આ બેઠકમાં સંતોએ VHPને વિવાદનો ઝડપથી અંત લાવવાની ખાતરી હોવાનું સામે આવ્યું છે.