ક્રિકેટ / રોહિત પ્રથમ ટેસ્ટમાંથી બહાર, ગુજરાતી ખેલાડી ઈન, પ્રથમ વખત રમશે ટેસ્ટ

• ઓપનર પ્રિયાંક પંચાલ ઘરેલુ ક્રિકેટમાં કરી ચૂક્યો છે ટ્રિપલ સેન્ચુરી
• પ્રિયાંકે દક્ષિણ આફ્રિકા પ્રવાસમાં હજુ હમણા જ 96 રન બનાવ્યા હતા
• ગુજરાતી ખેલાડી પ્રિયાંક ઘરેલુ ક્રિકેટમાં ઢગલો રન બનાવી ચૂક્યો છે

26 ડિસેમ્બરથી દક્ષિણ આફ્રિકા સામે શરુ થઈ રહેલી ટેસ્ટ સીરિઝ પહેલા ટીમ ઈન્ડીયાને મોટો ઝટકો લાગ્યો છે. ઈજાને કારણે ઓપનર રોહિત શર્માને બહાર કરી દેવાયો છે અને તેને બદલે 31 વર્ષીય ગુજરાતી ખેલાડી પ્રિયાંક પંચાલને લેવાયો છે. 

ભારતીય ક્રિકેટ ટીમ આ મહિનાની 26 તારીખથી સાઉથ આફ્રિકામાં ટેસ્ટ શ્રેણી રમવાની છે

ભારતીય ક્રિકેટ ટીમ આ મહિનાની 26 તારીખથી સાઉથ આફ્રિકામાં ટેસ્ટ શ્રેણી રમવાની છે. ભારતીય ટીમ અત્યાર સુધી દક્ષિણ આફ્રિકામાં કોઈ ટેસ્ટ શ્રેણી જીતી નથી અને અત્યારના ફોર્મને જોતા વિરાટ કોહલીની સેના આ રેકોર્ડ તોડી શકે છે. પરંતુ આ શ્રેણી શરૂ થતાં પહેલા ભારતીય ટીમ મુશ્કેલીમાં ફસાઈ છે.

NEWS - Priyank Panchal replaces injured Rohit Sharma in India's Test squad.

Rohit sustained a left hamstring injury during his training session here in Mumbai yesterday. He has been ruled out of the upcoming 3-match Test series against South Africa.#SAvIND | @PKpanchal9 pic.twitter.com/b8VgoN52LW

— BCCI (@BCCI) December 13, 2021

પ્રિયાંક પંચાલે દ.આફ્રિકા પ્રવાસમાં 96 રન બનાવ્યા હતા 
31 વર્ષીય પ્રિયાંક પંચાલે દક્ષિણ આફ્રિકાના પ્રવાસમાં ઈન્ડીયા એ વતી રમતા બિનસત્તાવાર ટેસ્ટની 3 ઈનિંગમાં 120 રન બનાવ્યાં હતા. આ દરમિયાન તેનો સ્કોર 96 રન હતો. 

પ્રિયાંક સ્થાનિક સ્તરમાં ક્રિકેટ રમે છે 
રોહિતની જગ્યાએ ભારતીય ટીમમાં જગ્યા મેળવનાર પ્રિયાંક પંચાલ ગુજરાત તરફથી સ્થાનિક ક્રિકેટ રમે છે. 31 વર્ષનો પ્રિયાંક સાઉથ આફ્રિકા ટૂરમાં ગયેલી ભારત-એ ટીમનો કેપ્ટન પણ હતો. પ્રિયાંક અત્યાર સુધીમાં 100 ફર્સ્ટ ક્લાસ મેચ રમી ચુક્યો છે અને 45.52ની સરેરાશથી 7011 રન બનાવ્યા છે. જેમાં 24 સેન્ચુરી અને 25 હાફસેન્ચુરી સામેલ છે.