ક્રિકેટ / Asia Cup Super-4માં જાણો ક્યાં, ક્યારે અને કોની સાથે થશે ટીમ ઇન્ડિયાની ટક્કર? કેવી રીતે ફાઇનલમાં પહોંચશે IND vs PAK, જાણો

• એશિયા કપનું ગૃપ સ્ટેજ પૂર્ણ થઈ ગયું છે
• સુપર-4માં ફરી વાર બંને ટીમ આમને સામને આવશે
• સુપર-4 રાઉન્ડમાં તમામ ટીમ કુલ ત્રણ ટીમ મેચ રમશે

લાહોરમાં અફઘાનિસ્તાન અને શ્રીલંકા વચ્ચે રમાયેલ છેલ્લી લીગ મેચ પછી એશિયા કપનું ગૃપ સ્ટેજ પૂર્ણ થઈ ગયું છે ને સુપર 4ની ટીમ ફાઈનલ થઈ ગઈ છે. પાકિસ્તાન સૌથી પહેલા સુપર 4માં પહોંચ્યું હતું. વરસાદના કારણે ભારત અને પાકિસ્તાનના ગૃપ સ્ટેજની મેચ રદ્દ રહી હતી, પરંતુ સુપર-4માં ફરી વાર બંને ટીમ આમને સામને આવશે. બંને ટીમની ત્રીજી ટક્કર એશિયા કપની ફાઈનલમાં પણ થઈ શકે છે. તમને જણાવી દઈએ કે, એશિયા કપની ફાઈનલમાં ક્યારેય પણ ભારત પાકિસ્તાનની ટક્કર થઈ નથી. સુપર-4માં ભારતીય ટીમનું શિડ્યુલ શું છે અને એશિયા કપના ફાઈનલમાં ભારત-પાકિસ્તાન કેવી રીતે આમને સામને આવી શકે છે, તે અંગે અહીંયા જણાવવામાં આવ્યું છે. 

સુપર-4 રાઉન્ડમાં ભારતનું શિડ્યુલ
સુપર-4 રાઉન્ડમાં તમામ ટીમ કુલ ત્રણ ટીમ મેચ રમશે. સુપર 4માં ભારતની પહેલી મેચ પાકિસ્તાન સાથે છે. કોલંબોમાં 10 સપ્ટેમ્બરના રોજ આ મેચ રમવામાં આવશે. 12 સપ્ટેમ્બરના રોજ કોલંબોમાં ભારત અને શ્રીલંકા વચ્ચે મેચ રમાશે. કોલંબોમાં 15 સપ્ટેમ્બરના રોજ ભારત અને બાંગ્લાદેશ વચ્ચે મેચ રમાશે. 

પહેલી વાર ભારત-પાકિસ્તાન વચ્ચે ફાઈનલ મેચ રમાઈ શકે છે
સુપર-4 રાઉન્ડમાં કુલ 6 મેચ રમવામાં આવશે અને ટોપ-2 ટીમ ફાઈનલમાં પહોંચશે. સુપર-4 રાઉન્ડ પૂર્ણ થયા પછી ભારત અને પાકિસ્તાન ટોપ-2માં રહેશે તો કોલંબોમાં 17 સપ્ટેમ્બરના રોજ ભારત અને પાકિસ્તાન વચ્ચે ફાઈનલ મેચ રમાશે. એશિયા કપના ઈતિહાસમાં આ પ્રકારે થશે. બાંગ્લાદેશ અને શ્રીલંકાની સરખામણીએ ભારત-પાકિસ્તાનની ટીમ મજબૂત હોવાથી એશિયા કપમાં ભારત અને પાકિસ્તાન વચ્ચે ફાઈનલ મેચ થવાની સંભાવના વધુ છે. 

શ્રીલંકાની ટીમમાં અનેક સ્ટાર ખેલાડી નથી રમી રહ્યા. ભારત અને પાકિસ્તાનની ટીમ ટુર્નામેન્ટમાં સંપૂર્ણ તાકાત સાથે મેદાન પર ઉતરી છે. ભારતીય ટીમમાં શ્રેયસ અય્યર, જસપ્રીત બુમરાહની વાપસી થઈ શકે છે. પાકિસ્તાનના શાહીન અફરીદી, હારિસ રઉફ અને નસીમ શાહ પણ સારું રમી રહ્યા છે. ભારત અને પાકિસ્તાનની ફાઈનલને નકારી ના શકાય, પરંતુ ક્રિકેટમાં કોઈપણ સમયે બાજી પલટી શકે છે. આ કારણોસર 15 સપ્ટેમ્બર સુધી રાહ જોવાની રહેશે.